شىمكەنتتىك دارىگەرلەر جۇكتى ايەلدىڭ ىشىنەن ءبىر ۋىس قۇرت الىپ شىقتى

None
None
شىمكەنت. قازاقپارات - شىمكەنتتە دارىگەرلەر جۇكتى ايەل مەن ىشىندەگى شاراناسىن ساقتاپ قالۋ ءۇشىن كۇردەلى وتا جاسادى.

قالالىق 1№ كلينيكالىق اۋرۋحانا بازاسىندا وتكەن وتا كەزىندە ماماندار تاۋەكەلگە بارعاندارىن جاسىرمايدى، دەپ حابارلايدى قازاقپارات ءتىلشىسى.

قالالىق دەنساۋلىق ساقتاۋ باسقارماسىنىڭ مالىمەتىنشە، كۇردەلى وتا كلينيكالىق اۋرۋحانانىڭ حيرۋرگى ءسابيت بايتەمىروۆتىڭ جەتەكشىلىگىمەن جاسالعان.

حيرۋرگتەر 28 اپتالىق جۇكتىلىكتەگى ايەلدىڭ ىشىنەن ءبىر ۋىس قۇرتتى الىپ تاستادى.

كۇردەلى وتا ءۇش ساعاتتان استام ۋاقىتقا سوزىلعان. مامانداردىڭ ايتۋىنشا، شارانامەن بىرگە پايدا بولعان ىشتەگى قۇرت باۋىردىڭ جانىنا بىتكەن.

ونىڭ جارىلىپ كەتۋ قاۋپى جوعارى بولعان. ءبىراق ءساتتى جاسالعان وپەراتسيانىڭ ارقاسىندا قاۋىپتىڭ الدى الىنىپ، انا مەن بالا امان قالدى.

ايتا كەتەيىك، ىشىندە ەحينوكوكك كيستاسى بار جۇكتى كەلىنشەككە الماتى قالاسىنداعى ا. ن. سىزعانوۆ اتىنداعى ۇلتتىق عىلىمي حيرۋرگيالىق ورتالىقتا كۇردەلى وتا جاساۋ قاجەت بولعان.

الايدا ەلىمىزدە ەنگىزىلگەن توتەنشە جاعداي رەجيمىنە بايلانىستى جاس انا شىمكەنتتە قالىپ قويدى. دارىگەرلەر قازىر پاتسيەنتتىڭ جاعدايى قاناعاتتانارلىق جانە جۇكتىلىگى اسقىنۋسىز وتۋدە دەپ وتىر.

سوڭعى جاڭالىقتار