توتەنشە جاعداي رەجيمىن بۇزعان ماس جۇرگىزۋشىلەر قاماۋعا الىندى

ءتارتىپ بۇزۋشىلار توتەنشە جاعداي رەجيمىنە قاراماستان، قوزعالىسقا سالىنعان شەكتەۋلەردى ەلەمەي، سونىمەن قاتار كولىك قۇرالدارىن ماس كۇيىندە باسقارعان.

بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتى حابارلادى.

«BMW» جانە «Mazda» اۆتوكولىكتەرىنىڭ جۇرگىزۋشىلەرىنە قاتىستى ق ر ا ق ب ت ك- ءنىڭ 608-بابى 1-بولىگى بويىنشا حاتتامالار جاسالدى.

«Chevrolet» ماركالى اۆتوكولىگىن باسقارعان ءۇشىنشى بۇزۋشى ق ر ا ق ب ت ك- ءنىڭ 608-بابىنىڭ 6-بولىگىمەن اكىمشىلىك جاۋاپقا تارتىلدى»، - دەلىنگەن ۆەدومستۆو حابارلاماسىندا.

ءىس ماتەريالدارىنا سايكەس، سوت «BMW» جانە «Mazda» اۆتوكولىكتەرىنىڭ جۇرگىزۋشىلەرىن 15 تاۋلىككە قاماۋعا الۋ جانە 7 جىلعا كولىك جۇرگىزۋ قۇقىعىنان ايىرۋعا ۇكىم شىعاردى.

ال، «Chevrolet» ماركالى اۆتوكولىگىنىڭ جۇرگىزۋشىسىنە 20 تاۋلىكتىك قاماۋ تۇرىندەگى اكىمشىلىك جازا تاعايىندالدى.

جامبىل وبلىسىنىڭ پوليتسيا دەپارتامەنتى كارانتين كەزىندە ادامداردىڭ جانە جەكە كولىكتىڭ تاراز قالاسىنىڭ اۋماعىندا ەركىن ءجۇرىپ- تۇرۋىنا تىيىم سالىنعاندىعىن ەسكەرتەدى.

توتەنشە جاعداي رەجيمى مەن كارانتين تالاپتارىنا باعىنباعانى ءۇشىن ءتارتىپ بۇزۋشىلار زاڭعا سايكەس جازالاناتىندىعىن جەتكىزدى.