كوروناۆيرۋستان جازىلىپ شىققاندار قالاي تەز وڭالا الادى

ىلە قازاق اۆتونومدى وكرۋگىنىڭ «دوستىق» اۋرۋحاناسىنىڭ دارىگەر پۋلمونولوگى سيۋ گاۋنفەڭ كوروناۆيرۋستان قوزعان پنيەۆمونيادان كەيىن اعزانى وڭالتۋ شارالارىن جۇرگىزۋ ماڭىزدى ەكەندىگىن ايتتى.

«Covid-19-دان جازىلىپ شىققاندار اعزاسى السىرەپ شىعادى. ولار كوبىنەسە ءسال بەلسەندىلىكتەن سوڭ دەمىگىپ قالادى. بۇلشىقەتتەرى اتروفياعا ۇشىرايدى. سوندىقتان وڭالتۋ شارالارى ەمدەۋدەن اناعۇرلىم ۇزاق بولۋى ءتيىس. ەگەر پاتسيەنت باسى اۋىرىپ، باسى اينالىپ، كەۋدە تۇسى شانشىپ اۋىرىپ، كوپ جوتەلسە، جاتتىعۋدى توقتاتىپ شۇعىل دارىگەرگە حابارلاۋى كەرەك. قىتاي قالالارىنان كەلگەن ءتۇرلى مالىمەتتەردى قورىتا كەلە ءبىز جاتتىعۋلار كەشەنىن ويلاستىردىق. بۇل جاتتىعۋلار نەگىزىنەن جاعدايى اۋىر، ورتاشا، جەڭىل پاتسيەنتتەرگە ارنالعان. نەگىزىنەن بۇل بۇلشىقەتتەردى كۇشەيتۋگە، تىنىس الۋدى جەڭىلدەتۋگە، قان قىسىمىن جەڭىلدەتۋگە ارنالعان. بۇعان جىلدام ءجۇرىستى، جۇگىرۋدى، ءجۇزۋدى قوسۋعا بولادى. جاتتىعۋلار باستاپقىدا باياۋ، ودان كەيىن جىلدام بولۋى ءتيىس. بۇعان اپتاسىنا 3-5 رەت 30 مينۋتتان كەم ەمەس ۋاقىت ءبولۋ كەرەك»، - دەدى مامان.

ايتا كەتۋ كەرەك، Covid-19 كۇرەسىپ جاتقان وتاندىق دارىگەرلەرگە كومەك كورسەتۋگە الماتىعا قىتايدان دارىگەرلەر دەلەگاتسياسى كەلگەن بولاتىن. قازىر ماماندار س. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىندە ۆيدەودارىس وقىپ جاتىر. ولاردى تىڭداۋعا 700 دەن اسا مەديتسينا مامانى قوسىلعان.

اۆتور: گۇلميرا عوسمانالي