پاندەميا كەزىندەگى ءومىر: د س م تەگىن ونلاين كۋرس وتكىزبەك

وقشاۋلانۋ مەن جالعان اقپارات جەلدەي ەسكەن قازىرگى جاعدايدا كيبەرقاۋىپسىزدىك بىلىكتىلىگى ەرەكشە ماڭىزعا يە.

وسى سەبەپتى ق ر دەنساۋلىق ساقتاۋ مينيسترلىگىنىڭ سيفرلاندىرۋ كەڭسەسى سيفرلىق ساۋاتتىلىق دەڭگەيىن تەگىن ارتتىرۋدى ۇسىنادى، دەپ حابارلايدى قازاقپارات.

«نيەت بىلدىرۋشىلەرگە «پاندەميا كەزىندەگى ءومىر مەن كاسىپ قاۋىپسىزدىگى» اتتى تەگىن ونلاين كۋرستان ءوتۋ ۇسىنىلادى. كۋرس وسىناۋ قيىن ساتتە قازاقستاندىق ۇيىمدار مەن ەل ازاماتتارىن بارىنشا قولداۋعا باعىتتالعان. سونداي- اق سيفرلىق الەمدە ءوزىن سەنىمدى سەزىنۋگە، ىندەت تۋرالى قاجەتتى داعدىلار مەن ءبىلىم الۋعا مۇمكىندىك بەرەدى. كۋرستى وقىتۋدىڭ بەيىمدەلۋ جۇيەسى نەگىزىندە جاسالعان. ول ومىرلىك مىسالدارمەن بەكىتىلگەن تەوريالىق ماتەريالداردان، بىرنەشە جاۋاپ نۇسقالارىنان جانە سەنىمدىلىك دارەجەسىن انىقتايتىن تەستتەردەن قۇراستىرىلعان»، - دەپ حابارلايدى دەنساۋلىق ساقتاۋ مينيسترلىگىنەن.

ساباق ءاردايىم سۇراقتان باستالادى. سودان سوڭ پايدالانۋشىنىڭ تاقىرىپتى تۇسىنۋىنە نەگىزدەلە وتىرىپ، جۇيە تەوريالىق ماتەريالدى كورسەتەدى. بولماسا جاۋاپتار دۇرىس بولعان جاعدايدا باسقا تاقىرىپقا اۋىسادى. تەست قورىتىندىسى بويىنشا ءاداپتيۆتى تەحنولوگيا ماتەريالدى بەكىتىپ، قايتالاۋدى ۇسىنادى. بۇل رەتتە اقىلدى جۇيە پايدالانۋشىعا قيىنعا سوققان تاقىرىپتارعا عانا توقتالاتىنىن اتاپ ءوتۋ كەرەك.

«پاندەميا كەزىندەگى ءومىر مەن كاسىپ قاۋىپسىزدىگى» تەگىن كۋرسىن «كاسپەرسكي زەرتحاناسى» وقىتۋدىڭ اداپتيۆتى سالاسىنداعى ۇزدىك كومپانيالاردىڭ ءبىرى Area9 Lyceum-مەن بىرلەسە ازىرلەگەن.

كۋرستان سىلتەمەسىن باسىپ، تىركەلۋ ارقىلى وتۋگە بولادى. ول كوروناۆيرۋستىڭ قاۋىپ دەڭگەيىن، اۋىرىپ قالۋ نەمەسە اينالاڭداعىلارعا جۇقتىرۋ ءقاۋپىن ازايتۋ ءۇشىن ءوزىڭدى قالاي ۇستاۋ كەرەكتىگىن بىلۋگە كومەكتەسەدى. سونداي-اق ساباق اۋرۋدىڭ الدىن الۋ ادىستەرى مەن كوروناۆيرۋستىق ينفەكتسيالار توبىمەن بايلانىستى ستەرەوتيپتەر تۋرالى اقپاراتتاردى قامتيدى. مودۋل مەديتسينا جانە بيولوگيا سالاسىنداعى جەتەكشى مامانداردىڭ قاتىسۋىمەن ازىرلەنگەن. اۆتورى ۆەرونا ۋنيۆەرسيتەتىنىڭ مەديتسينا عىلىمدارىنىڭ دوكتورى، كلينيكالىق بيوحيميا پروفەسسورى دجۋزەپپە ليپپي. ءمودۋلدىڭ رەتسەنزەنتتەرى - دوكتور نيل اندەرسون، بلەيك بيۋكەن، پينگ ۆانگ»، - دەپ حابارلايدى مينيسترلىكتەن.

ەكىنشى مودۋل قاشىقتاعى جۇمىسقا قاۋىپسىز بەيىمدەلۋگە جانە كەڭسەدەگى جۇيەلىك اكىمشىنىڭ كومەگىنسىز كيبەرساۋاتتىلىقتى ارتتىرۋعا كومەكتەسەدى. ساباق قورىتىندىسى بويىنشا سيفرلىق ساۋاتتىلىعى تومەن، ءتىپتى بۇرىن قاشىقتان مۇلدەم جۇمىس ىستەمەگەن پايدالانۋشىلار وزىنە ۇيدەن بارىنشا ءقاۋىپسىز جۇمىستى ۇيىمداستىرا الاتىنداي ەتىپ قۇراستىرىلعان. مودۋل كيبەرقاۋىپسىزدىكتەگى ەڭ ماڭىزدى بازالىق داعدىلاردى دامىتۋعا كومەكتەسەدى. قازاقستاندىقتار ءۇشىن قاشىقتىقتان قاۋىپسىز جۇمىس ىستەۋ تۋرالى قوسىمشا اقپاراتتى مىنا سىلتەمەدەن تابۋعا بولادى.