كوروناۆيرۋس: ەلوردادا تەگىن ەكسپرەسس تەستىنەن قالاي وتۋگە بولادى

بۇل تۋرالى ەلوردا اكىمىنىڭ ورىنباسارى ماليكا بەكتۇروۆا Telegram-داعى پاراقشاسىندا ءمالىم ەتتى، دەپ حابارلايدى قازاقپارات.

«ول ءۇشىن نە ىستەۋ كەرەك؟ بىرىنشىدەن، ءسىز Smart Astana موبيلدى قوسىمشاسىنداعى «مەديتسينا» بولىمىندە ساۋالنامانى تولتىرۋىڭىز كەرەك - «COVID-19 تەستىنە تىركەلۋ». ەكىنشىدەن، دەنساۋلىق ساقتاۋ مينيسترلىگىنىڭ ەپيدەميولوگتارى ازاماتتاردى بەلگىلى ءبىر كورسەتكىشتەر بويىنشا ىرىكتەيدى»، - دەپ جازدى م. بەكتۇروۆا.

وسىدان كەيىنگى ءۇشىنشى ساتىدا ءوتىنىم راستالۋىن كۇتۋ كەرەك.

«ءتورتىنشىسى - «ك د ل وليمپ» وپەراتورلارى سىزگە قوڭىراۋ شالىپ، ەمدەۋ بولمەسىنە بارۋ ۋاقىتى، ورنى مەن كۇنىن جوسپارلايدى. ايتپاقشى، سىزگە بەتپەردە كيىپ، جەكە كۋالىكپەن كىرۋ كەرەك، ويتكەنى كىرۋ تەك تاعايىندالعان كەزدە بولادى. بەسىنشىسى - تالداۋ ناتيجەسى ءسىز ساۋالنامادا كورسەتكەن ەلەكتروندىق پوشتاڭىزعا جىبەرىلەدى»، - دەپ ءتۇسىندىردى قالا اكىمىنىڭ ورىنباسارى.

اۆتور: رۋسلان عابباسوۆ