الماتىدا جاڭا تۋعان نارەستە تۋىسىنان كوروناۆيرۋس جۇقتىرعان
بۇل تۋرالى ق ر دەنساۋلىق ساقتاۋ ۆيتسە-ءمينيسترى ءلاززات اقتايەۆا ورتالىق كوممۋنيكاتسيالار قىزمەتىندە وتكەن بريفينگىدە ايتىپ بەردى.
«ءبىر جاسقا دەيىنگى ەكى بالا تۇركىستان وبلىسى مەن شىمكەنت قالاسىندا تۇرادى. ال جاڭا تۋعان نارەستە - الماتى وبلىسىندا تىركەلدى. بالا مەن انا پەرزەنتحانادان شىققان سوڭ، بىرگە تۇراتىن تۋىسىنان ينفەكتسيا جۇقتىرعان. ناۋقاسپەن بايلانىستا بولعاندار رەتىندە تەكسەرۋگە الىنىپ، كىشكەنتاي شاقالاقتىڭ دا اۋرۋ جۇقتىرعانى انىقتالدى. قازىرگى ۋاقىتتا انانىڭ دا، بالانىڭ دا جاعدايى قاناعاتتانارلىق»، - دەدى ۆيتسە-مينيستر.
ونىڭ ايتۋىنشا، ينفەكتسيا جۇقتىرعان بالالاردىڭ 80 پايىزىندا، ياعني 63 بالادا اۋرۋ جەڭىل ءوتىپ، ەش سيمپتوم بىلىنبەدى. 17 بالادا دەنە قىزۋى مەن بەلگىلى ءبىر ينتوكسيكاتسيا بايقالعان. ازىرگە ەكى بالا اۋرۋحانادان شىعارىلىپ، ءۇي كارانتينىندە جاتىر.