ەندى راسىندا دا مەملەكەتكە حالىق كومەكتەسۋى كەرەك - داۋرەن قۋات

«مەملەكەت باسىشىسىنىڭ مالىمدەمەسى - ناعىز كەرەك مالىمدەمە بولدى. توتەنشە جاعداي جاريالانعالى كومەك، جاردەم سۇرايتىن ادامدار سانى كوبەيىپ كەتتى. مەديتسينا قىزمەتكەرلەرىنىڭ دەنساۋلىعىنا، جەكە باستارىنىڭ قاۋىپسىزدىگىنە قاتىستى ماسەلەلەر تۋىندادى. كاسىپكەرلەر كاسىبىنەن قاعىلىپ قالماۋى كەرەك، سونداي- اق الىپ وتىرعان جالاقىلارى تومەندەپ قالعان نەمەسە كۇنكورىس كوزىنەن ايىرىلىپ قالعان ازاماتتار بار. مەملەكەت باسشىسى قاسىم- جومارت توقايەۆ وسى ماسەلەلەردىڭ بارىنە توقتالىپ، قاجەتتى كومەك كورسەتىلەتىنى تۋرالى مالىمدەدى»، - دەيدى جازۋشى داۋرەن قۋات.

ول مەملەكەت باسشىسى بيلىكتىڭ حالىقپەن بىرگە ەكەندىگىن، حالىقتى ەشقانداي قيىن جاعدايعا قالدىرمايتىنى تۋرالى ايتقانىنا توقتالىپ ءوتتى.

«بۇل - ءبىزدىڭ مەملەكەتىمىزدىڭ الەۋەتىن، مول قاراجاتىمىز بار ەكەنىن، وسىنداي قيىن جاعدايدا مەملەكەت تاراپىنان كومەك بولاتىنىن كورسەتەدى. پرەزيدەنتتىڭ «ەندى مەملەكەتكە حالىق كومەكتەسۋى كەرەك» دەگەن ءسوزى كوڭىلىمنەن شىعادى. بۇل ءسوزدى دۇرىس ءتۇسىنۋىمىز كەرەك. ولاردىڭ قويىپ وتىرعان تالابى - ۆيرۋستىڭ تارالىپ كەتپەۋى ءۇشىن ۇيدەن شىقپاي وتىرۋ. بۇل ادامنىڭ قۇقىعىن، جەكە باسىنىڭ مۇددەسىن شەكتەيتىن تالاپ ەمەس. بۇل جەكە باسىمىزدىڭ قاۋىپسىزدىگىن ساقتاۋ ءۇشىن جاسالعان تالاپ»، - دەيدى ول.

سونداي-اق، ول بەرىلەتىن الەۋمەتتىك تولەمدەر تۋرالى ايتتى. «پرەزيدەن 42500 تەڭگە بەرىلەتىنى تۋرالى جاي عانا ايتا سالعان جوق. قانشا ادامعا بەرىلەتىنىنە دەيىن ايتتى. قانشا ادام ازىق- تۇلىكپەن قامتىلاتىنى تۋرالى دەرەك تە كەلتىردى. بۇل ۇكىمەت وسىعان قاتىستى ساناق، ساراپتاما جۇرگىزگەنىن بىلدىرەدى. كەشەگى پرەزيدەنتتىڭ مالىمدەمەسىنەن كەيىن كوڭىلىمىز ورنىعىپ قالدى. اينالاڭداعى ادامداردىڭ الاڭداماي، بولاشاققا سەنىپ وتىرعانى وتە جاقسى»، - دەيدى ول.

جازۋشى اتالعان كومەك تۇرلەرىن ورتا جولدان جۇلىمداپ الىپ كەتپەي، يەسىنە جەتەتىنە كوز جەتكىزەتىن قوعامدىق باقىلاۋ بولۋى كەرەك ەكەنىن ايتتى.

«قانشا قارجى ءبولىندى، ونى قانشا ادام الدى - ۇكىمەت وسىنىڭ ءبارىن اشىق تۇردە كورسەتىپ وتىرسا جاقسى بولار ەدى. مىسالى، اقمولا وبلىسىنا قانشا جانار- جاعارماي بولىنگەنى اشىق كورسەتىلسە. سونىمەن قاتار، تەلەارنالار ازىق- تۇلىكتىڭ ادامدارعا تەگىن جەتكىزىلگەنى تۋرالى ۆيدەوسيۋجەتتەر كورسەتىپ تۇرسا دۇرىس بولار ەدى»، - داۋرەن قۋات.

فوتو: bilimdinews.kz