تۇركىستان وبلىسىندا ۆيرۋس جۇقتىرعان ءۇش ادام نۇر-سۇلتاننان كەلگەن ايەلمەن بايلانىستا بولعان

بۇل تۋرالى وبلىس اكىمىنىڭ ورىنباسارى ساكەن قالقامانوۆ Facebook پاراقشاسىندا جاريالادى، دەپ حابارلايدى قازاقپارات.

ساكەن قالقامانوۆتىڭ ايتۋىنشا، وڭىردە بۇگىن كوروناۆيرۋس جۇقتىرعان تاعى ءتورت ادامنىڭ تۇرعىلىقتى جەرى بەلگىلى بولدى.

«ءۇش ادام نۇر-سۇلتان قالاسىنان كەلگەن ايەلمەن جاقىن قارىم-قاتىناستا بولعان. ال، بەسىنشى ناۋقاس الماتى قالاسىنان كەلگەن. وسى جاعدايعا قاتىستى وزگە مالىمەتتەردى ونلاين بريفينگتە ايتاتىن بولامىز»، دەلىنگەن حابارلامادا.

ايتا كەتەيىك، كەشە تۇركىستان وبلىسىندا ءبىر ادامنىڭ ىندەت جۇقتىرعانى انىقتالعان. ول 23- ناۋرىز كۇنى پاۆلودار-قىزىلوردا باعىتىنداعى پوەزبەن كەلگەن جەتىساي اۋدانىنىڭ تۇرعىنى بولىپ شىقتى.

ول، 27- ناۋرىزدا قىزۋى كوتەرىلىپ، اۋرۋحاناعا 30- ناۋرىز كۇنى قارالعان. ازىرگە انىقتالعانى - ناۋقاسپەن 16 ادام قارىم-قاتىناستا بولعان. 5 ادام نۇر-سۇلتان قالاسىندا بايلانىستا بولسا، 11 ادام جەتىساي قالاسىنىڭ تۇرعىندارى ەكەنى راستالدى.