ۋايىمداماڭىزدار - قاسىم-جومارت توقايەۆ كوروناۆيرۋس جۇقتىرعان ازاماتتاردى سابىرعا شاقىردى

«ءومىر ءبارىمىزدى وڭايعا تۇسپەيتىن جاعدايعا قالدىرعانىن تۇسىنەمىن. ءبىراق كوروناۆيرۋس ەپيدەمياسى - ۋاقىتشا قۇبىلىس. ءبىز مىندەتتى تۇردە ونى جەڭەمىز. ءبىزدىڭ ەلدىڭ بىرلىگى، ىنتىماعى بارلىق قيىندىقتى ەڭسەرۋ جولىندا سەنىم بەرەدى»، - دەدى قاسىم-جومارت توقايەۆ رەسپۋبليكالىق ارنالاردان حالىققا ارناعان مالىمدەمەسىندە.

سونىمەن قاتار پرەزيدەنت كوروناۆيرۋس جۇقتىرعان ازاماتتاردى دا ۇمىت قالدىرعان جوق.

«كوروناۆيرۋسپەن اۋىرعان ازاماتتارعا قولداۋ بىلدىرگىم كەلەدى. ۋايىمداماڭىزدار! بۇل اۋرۋ قانشا قاۋىپتى دەگەنىمەن جانقيارلىق ۇرەيلى ەمەس. ودان جازىلىپ كەتىپ جاتقاندار بار. ءبىز - مەملەكەت پەن قوعام سىزدەرگە كومەكتەسۋ ءۇشىن قولىمىزدان كەلگەنشە ايانىپ قالمايمىز»، - دەدى مەملەكەت باسشىسى.