پرەزيدەنت: مەملەكەت قيىن كەزدە بانكتەرگە كومەكتەستى - ەندى بانكتەر حالىقتى قولداۋى كەرەك

None
None
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ەكىنشى دەڭگەيلى بانكتەردى ازاماتتىق جاۋاپكەرشىلىككە شاقىردى، دەپ حابارلايدى قازاقپارات ءتىلشىسى.

«قازىر كاسىپكەرلەردىڭ كوبى ت ج ۋاقىتىندا نەسيەگە پايىز قوسپاۋدى سۇرايدى. بۇلاي بولسا بانكتەردىڭ ءوزى دە شىعىنعا باتادى. بانكتەر دە - ءبىزدىڭ ەكونوميكانىڭ اجىراماس ءبىر بولىگى. سول سەبەپتى مەن تاعى دا ەكىنشى دەڭگەيلى بانكتەردى كونسترۋكتيۆيزمگە، ازاماتتىق جاۋاپكەرشىلىككە شاقىرامىن. بانكتەر قيىن جاعدايعا تاپ بولعاندا مەملەكەت ولارعا ايتارلىقتاي كومەك كورسەتتى. ال قازىر سىزدەردەن حالىققا جانە وتاندىق بيزنەسكە قولداۋ كەرەك بولىپ تۇر»، - دەدى مەملەكەت باسشىسى حالىققا جاساعان مالىمدەمەسىندە.

قاسىم- جومارت توقايەۆ قاجەت بولعان جاعدايدا مەملەكەت قوسىمشا ديرەكتيۆتى شارالاردى قابىلدايتىنىن جەتكىزدى. «ەگەر جاعداي ارى قاراي ۋشىقسا، ۇكىمەت مەن قارجىلىق رەتتەۋشىلەر اتالمىش ماسەلەنى شەشۋ شارالارىن قابىلدايدى» ، - دەدى پرەزيدەنت.

سوڭعى جاڭالىقتار