07:40, 30 - ناۋرىز 2020 | GMT +6
قازاقستاندا ەكىنشى مەدبيكە كوروناۆيرۋس جۇقتىردى
نۇر-سۇلتان. قازاقپارات - ەلىمىزدە ەكىنشى مەدبيكە كوروناۆيرۋس جۇقتىرىپ الدى، دەپ حابارلايدى قازاقپارات ق ر دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە سىلتەمە جاساپ.
ءبىرىنشى مەدبيكە ىندەتتى اتىراۋ وبلىسىندا جۇقتىرعانىن بۇعان دەيىن جازعان بولاتىنبىز.
ەكىنشى جاعداي قىزىلوردا وبلىسىندا انىقتالدى.
«وبلىس ورتالىعىندا تۇراتىن 23 جاستاعى تۇرعىننان تۇندە الىنعان سىنامالاردىڭ قورىتىندىسى وڭ ناتيجە كورسەتتى. ول ەمحانادا مەدبيكە بولىپ جۇمىس ىستەيدى جانە كەشە كوروناۆيرۋس دياگنوزى راستالعان ناۋقاسقا ەم-دوم جاساعان. ونىمەن جاقىن بايلانىستا بولعان 16 ادام كارانتيندە، قالعانى ءۇي جاعدايىنداعى كارانتيندە»، - دەلىنگەن اقپاراتتا.