كوروناۆيرۋس: قازاقستان بىلىكتى ماماندارىن قىتايعا جىبەرۋگە دايىن
«ءبىز ق ح ر- مەن بىرىگە جۇمىس ىستەۋگە دايىنبىز. ق ح ر دەنساۋلىق ساقتاۋ مينيسترلىگىنەن اقپارات الۋ تۋرالى ماسەلەنى تالقىلادىق. قاجەت بولعان جاعدايدا ول جاققا تاجىريبەلى ەپيدەميولوگتارىمىزدى جىبەرىپ، ق ح ر- دا ەپيدەمياعا قارسى شارالاردى ۇيىمداستىرۋ بويىنشا تاجىريبە الماسۋعا ءازىرمىز»، - دەيدى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى جانداربەك بەكشين.
سونداي- اق، ول قازاقستانداعى مەديتسينالىق مەكەمەلەردى تولىق مەديتسينالىق كومەك كورسەتۋ ءۇشىن ءتيىستى ءدارى- دارمەكپەن جابدىقتاۋ الگوريتمى جاسالعانىن ايتتى.
«ءبىزدىڭ ينفەكسيالىق ستاتسيونارلاردا 6 مىڭ ورىن بار. ەگەر ناۋقاستارمەن بايلانىس جاساعان ادامداردى جاتقىزۋ كەرەك بولسا، قوسىمشا 4780 ورىن قوسامىز. باستاپقى التى ايدا كەرەك بولاتىن ءدارى- دارمەكتىڭ، مەديتسينالىق بۇيىمداردىڭ جانە دياگنوستيكالىق پرەپاراتتاردىڭ ەسەبى جاسالدى. ق ر دەنساۋلىق ساقتاۋ مينيسترلىگىندە كۇن سايىن قازاقستانداعى ەپيدەميولوگيالىق احۋال جونىندەگى شتاب جۇمىس ىستەيدى»، - دەيدى بەكشين.
ەسكە سالا كەتسەك، بۇعان دەيىن ۋحان قالاسىنداعى قازاقستاندىق ستۋدەنتتەردى ەۆاكۋاتسيالاۋ ماسەلەسى قاراستىرىلىپ جاتقانىن جازعان بولاتىنبىز.
اۆتور: زارينا قاھارمان