ەندى وتباسى شىرقىن بۇزعاندار دەرەۋ قامالاتىن بولدى

None
None
نۇر-سۇلتان. قازاقپارات - جانجال شىعارىپ، وتباسى شىرقىن بۇزعاندار ەندى بۇرىنعىداي جەڭىل ەسكەرتۋ نەمەسە ايىپپۇل تولەپ قۇتىلا المايدى، دەرەۋ قامالادى، دەپ حابارلايدى «حابار 24».

سىربويىلىق پوليتسەيلەر تارتىبىنە بايلانىستى تىركەۋگە الىنعان ازاماتتاردىڭ تۇرعىلىقتى جەرىنە بارىپ، زاڭناماداعى وسىنداي وزگەرىستەردى ءتۇسىندىرىپ ءجۇر. 3 كۇننىڭ ىشىندە ۇيىندە ويران سالىپ، ايەل، بالا- شاعاسىنا قوقان- لوققى كورسەتكەن 175 ادام انىقتالىپ، تولتىرىلعان 75 اكىمشىلىك حاتتاما سوتقا جولداندى.

ءبىر ايعا سوزىلاتىن «تۇرمىس» الدىن الۋ شاراسى اياسىندا الكوگول مەن ەسىرتكىگە تاۋەلدى 5 مىڭنان استام تۇرعىننىڭ مەكەنجايى تەكسەرىلەدى. وبلىس كولەمىندە وتكەن جىلى مۇنداي 9 قىلمىس تىركەلگەن. ءتارتىپ ساقشىلارى جازانىڭ كۇشەيۋى وتباسىنداعى زورلىق- زومبىلىقتى ازايتۋعا سەپ بولادى دەپ سانايدى.

ەرمەك قۇدايبەرگەنوۆ، جەرگىلىكتى پوليتسيا قىزمەتى باسقارماسى باسشىسىنىڭ ورىنباسارى:

- وتباسىندا ءبىر رەت ارىز جازسا، تەك سوت ارقىلى ەسكەرتۋ بولاتىن. ول ەندى قۇقىق بۇزۋشىعا اسەر ەتپەيدى. ەكىنشىدەن، ءبىرشاما اكىمشىلىك ىستەر قىلمىستىق ىسكە اۋىستىرىلدى.

«تۇرمىس» شاراسىنىڭ ماقساتى - قولايسىز وتباسىلاردى انىقتاۋ جانە دە وتباسى- تۇرمىس جاعدايىنداعى قىلمىستاردىڭ الدىن الۋ. ايەلدەر مەن جاسوسپىرىمدەردىڭ قۇقىعىن ساقتاۋ بولىپ سانالادى.

www.24.kz


سوڭعى جاڭالىقتار