ۋحان قالاسىنداعى قازاقستاندىق ستۋدەنتتەر ەۆاكۋاتسيالانادى – د س م
بۇل تۋرالى تاۋارلار مەن كورسەتىلەتىن قىزمەتتەر ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى جانداربەك بەكشين ايتتى، دەپ حابارلايدى قازاقپارات ءتىلشىسى.
ۇقساس جاڭالىقتار
جانداربەك بەكشيننىڭ ايتۋىنشا، قازاقستاندىق 98 ستۋدەنتپەن تىكەلەي بايلانىس ورناعان. ول قىتاي بيلىگى جوعارى وقۋ ورىندارىندا وقيتىن بارلىق شەتەلدىك ستۋدەنتتەردى باقىلاۋعا الۋدى تاپسىرعانىن ءسوز ەتتى.
«بۇگىندە ۇكىمەت ستۋدەنتتەرىمىزدى ەۆاكۋاتسيالاۋ ماسەلەسى بويىنشا قارقىندى جۇمىس جۇرگىزۋدە. جاقىن ارادا شەشىم قابىلدانادى، سول كەزدە قوسىمشا حابارلايمىز»، - دەيدى جانداربەك بەكشين.
سونىمەن قاتار، ول دەنساۋلىق ساقتاۋ مينيسترلىگى كۇن سايىن قىتايدان كەلەتىن ازاماتتارىمىزدى قابىلداۋ بويىنشا جۇمىس جۇرگىزىپ جاتقانىن ايتتى.
«ۋحان قالاسىندا قازاقستاندىق 98 ستۋدەنت بار. قازىر الگوريتم قۇرىپ جاتىرمىز. ول بويىنشا ازاماتتار ءتىزىمى مەديتسينالىق ۇيىمدارعا جىبەرىلەدى. ولار 14 كۇن بويى مەديتسينالىق باقىلاۋ جۇرگىزەدى. ودان كەيىن مەديتسينالىق ۇيىمدارداعى سىنامالارعا دياگنوستيكا جاساۋ ءۇشىن زەرتحاناعا جىبەرەمىز. ونىڭ ناتيجەسىن د د س ۇ- عا جولدايمىز جانە رەسەي فەدەراتسياسىنداعى ماماندارمەن بىرلەسە جۇمىس ىستەيمىز»، - دەيدى ول.