قازاقستاننىڭ يسلام الەمىندەگى ورنى ەرەكشە - مۇحاممەد بەن زايد ءال ناحايان
ق ر پرەزيدەنتى قاسىم- جومارت توقايەۆپەن كەزدەسۋ بارىسىندا ءابۋ- ءدابيدىڭ مۇراگەر حانزاداسى شەيح مۇحاممەد بەن زايد ءال ناحايان وسىلاي دەپ پىكىر ءبىلدىردى، دەپ حابارلايدى قازاقپارات ءتىلشىسى.
«ايماقتاعى جاعدايدى بىلەسىزدەر. وسىعان وراي ب ا ءا ماسەلەلەردى بەيبىت جولمەن شەشىپ، تولەرانتتىلىقتى كۇشەيتۋگە، حالىقارالىق ارەنادا بەيبىتشىلىك پەن كەلىسىمنىڭ بەكي تۇسۋىنە مۇددەلى»، - دەدى مۇحاممەد بەن زايد ءال ناحايان.
ءابۋ- ءدابيدىڭ مۇراگەر حانزاداسى ب ا ءا مەن قازاقستان يسلام ىنتىماقتاستىعى ۇيىمى اياسىندا تىعىز ىنتىماقتاستىق ورناتقانىن اتاپ ءوتتى.
«ءبىزدىڭ مەملەكەتتەر اتالمىش ۇيىمنىڭ ابىرويىن ارتتىرۋ ءۇشىن بىرگە كۇش سالىپ كەلەدى. قازاقستاننىڭ يسلام الەمىندەگى ورنى ەرەكشە»، - دەدى شەيح.
ول سونداي- اق، ق ر پرەزيدەنتىنىڭ ساپارى ەكى ەل اراسىنداعى ءوزارا قارىم- قاتىناستى جاڭا دەڭگەيگە كوتەرەتىنىنە سەنىم ءبىلدىردى.
«جوعارى دەڭگەيدەگى كەلىسسوز بارىسىندا ەكىجاقتى ىنتىماقتاستىق ماسەلەلەرى تالقىلاندى. سونىمەن بىرگە، ەكونوميكانىڭ كوپتەگەن سالاسىنداعى ءبىرقاتار سۇراقتى تالقىلاۋ جوسپارلانعان. كەزدەسۋ قورىتىندىسىنا ساي ءبىرقاتار قۇجاتقا قول قويىلادى»، - دەدى مۇحاممەد بەن زايد ءال ناحايان.
ەسكە سالا كەتسەك، مەملەكەت باسشىسى قاسىم- جومارت توقايەۆ رەسمي ساپارمەن بىرىككەن اراب امىرلىكتەرىندە ءجۇر.
اۆتور: ايان بەكەن ۇلى