قاسىم- جومارت توقايەۆ ب ا ءا- گە ساپارىنىڭ باستى ماقساتىن اتادى
ابۋ- ءدابيدىڭ مۇراگەر حانزاداسى شەيح مۇحاممەد بەن زايد ءال ناحايانمەن كەزدەسۋ بارىسىندا ق ر پرەزيدەنتى قاسىم- جومارت توقايەۆ وسىلاي دەدى، دەپ حابارلايدى قازاقپارات ءتىلشىسى.
«بۇل مەنىڭ اراب الەمىنە پرەزيدەنت رەتىندە جاساعان العاشقى ساپارىم. ياعني، بۇل دەگەنىڭىز قازاقستان ءسىزدىڭ مەملەكەتىڭىزبەن ىنتىماقتاستىققا باسا ماڭىز بەرەتىنىن ايعاقتايدى»، - دەدى قاسىم- جومارت توقايەۆ.
مەملەكەت باسشىسى سونىمەن قاتار ەكى ەل اراسىنداعى تابىستى ىنتىماقتاستىقتى ەرەكشە اتاپ ءوتتى.
«شىنىنا كەلگەندە، ءبىزدىڭ مەملەكەتتەردىڭ اراسىنداعى ىنتىماقتاستىقتىڭ ارقاسىندا ۇلكەن ناتيجەگە قول جەتكىزدىك. ءبىزدىڭ ەلدەرىمىزدىڭ اراسىندا شىنايى دوستىق، سەنىم مەن ءوزارا تۇسىنىستىك بار. سول سەبەپتى، ءبىزدىڭ قارىم- قاتىناسىمىزدىڭ كەلەشەگى زور دەگەن ويدامىن. مەنىڭ بۇل ساپارىمنىڭ باستى ماقساتى - ءبىزدىڭ مەملەكەتتەر اراسىنداعى ىنتىماقتاستىققا جاڭا سەرپىن بەرۋ. ۋاقىت ءبىر ورىندا تۇرعان جوق. سول ءۇشىن قوسىمشا جىگەر مەن ارەكەت كەرەك. سول سەبەپتى، مەن بۇل ساپار ەرەكشە ماڭىزعا يە دەپ بىلەمىن»، - دەدى قازاقستان پرەزيدەنتى.
ەسكە سالا كەتسەك، بۇعان دەيىن مەملەكەت باسشىسى قاسىم- جومارت توقايەۆ بىرىككەن اراب امىرلىكتەرىنە رەسمي ساپارمەن كەلگەنى حابارلانعان بولاتىن.
اۆتور: ايان بەكەن ۇلى