قىتايدىڭ مەملەكەتتىك كەڭەسىنىڭ پرەمەرى كوروناۆيرۋس ىندەتىنە بايلانىستى تەكسەرىسپەن ۋحانعا كەلدى

« ق ح ر ءتوراعاسى شي جينپيڭنىڭ تاپسىرماسى بويىنشا مەملەكەتتىك كەڭەستىڭ پرەمەر-ءمينيسترى، كوروناۆيرۋس ينفەكتسياسىنىڭ جاڭا تۇرىمەن كۇرەس جونىندەگى جۇمىس توبىنىڭ باسشىسى ىندەتپەن كۇرەس جونىندەگى جۇمىستاردى تەكسەرۋ مەن باقىلاۋ ءۇشىن ۋحانعا كەلدى»، - دەلىنگەن ۇكىمەت حابارلاماسىندا.

سونىمەن قاتار، دۇيسەنبىدەن باستاپ ق ح ر مەملەكەتتىك كەڭەسىنىڭ رەسمي جاڭا جىلدىق دەمالىستاردى 2 - اقپانعا دەيىن ۇزارتۋ تۋرالى وكىمى كۇشىنە ەنەدى. ءتيىستى نۇسقاۋلار ق ح ر- دىڭ بارلىق پروۆينتسياسىنا تارالادى.

ەلدىڭ بالاباقشالارى، مەكتەپتەرى مەن جوعارى وقۋ ورىندارى ءۇشىن جاڭاجىلدىق دەمالىستىڭ اياقتالۋ مەرزىمى تۋرالى جەكە حابارلاما جاريالاناتىن بولادى.

سوڭعى مالىمەتتەر بويىنشا كوروناۆيرۋس اۋرۋىمەن اۋىرعاندار سانى 2,7 مىڭ ادامنان استى، 80 ءولىم جاعدايى تىركەلگەن. جاڭا كوروناۆيرۋستىق ينفەكسيامەن اۋىراتىن ادامداردىڭ كوپشىلىگى حۋبەي پروۆينتسياسىندا (1423، 76-سى قايتىس بولعان). قازاقستانمەن شەكارالاس ق ح ر شىڭجاڭ-ۇيعىر اۆتونوميالىق اۋدانىندا (ش ۇ ا ر) 5 ادامنىڭ اۋرۋدى جۇقتىرعانى انىقتالدى.

ق ح ر ورتالىق بيۋجەتىنەن حۋبەي پروۆينتسياسىنىڭ جانە ونىڭ اكىمشىلىك ورتالىعىن ۋحان قالاسىنا مامانداندىرىلعان اۋرۋحانالار سالۋ جانە قاجەتتى مەديتسينالىق جابدىقتار ساتىپ الۋ ءۇشىن 43 ميلليون ا ق ش دوللارىنان استام قارجى ءبولىندى.

قىتاي بيلىگىندە جاڭا كوروناۆيرۋس تۋرالى ءالى دە تولىق مالىمەتتەر جوق. ونىڭ مۋتاتسياسى قانداي قاۋىپ توندىرەتىنى تۋرالى ناقتى تۇسىنىك جوق. «ينفەكتسيانىڭ پايدا بولۋ كوزى انىقتالمادى»، - دەپ مالىمدەدى وتكەن جەكسەنبىدە جۇرتشىلىققا ق ح ر دەنساۋلىق ساقتاۋ ءىسى جونىندەگى مەملەكەتتىك كوميسسيانىڭ باسشىسى ما سياوۆەن. ونىڭ ايتۋىنشا، ۆيرۋس جانۋارلاردان شىعۋى مۇمكىن جانە مۋتاتسيا ناتيجەسىندە ادامدارعا بەرىلۋى ىقتيمال.

وتكەن جەكسەنبىدە اۋرۋلاردى باقىلاۋ جانە الدىن الۋ ورتالىعىنىڭ باسشىسى سيۋي ۆەنبو قىتاي جاڭا كوروناۆيرۋسقا ۆاكسينا ازىرلەۋگە كىرىستى.

«عالىمدار قازىردىڭ وزىندە ۆيرۋس شتابىن ءبولىپ الدى. ورتالىق ءدارى-دارمەكتەردى ىرىكتەيدى»، - دەدى قىتايلىق مامان «جەنمين جيباو» گازەتىندە.