الماتىدا ءماجىلىس دەپۋتاتىن توناپ كەتتى

بۇل تۋرالى سميرنوۆا Facebook - تە جازدى.

ونىڭ سوزىنشە، ءۇش اپتا بۇرىن ۇرىلار كولىگىنىڭ تەرەزەسىن شاعىپ، ىشىندەگى سومكەسىن قولدى ەتكەن.

«مەنى جاقىندا الماتىدا توناپ كەتتى. كولىگىمنىڭ تەرەزەسىن شاعىپ، سومكەمدى الىپ كەتتى. قايتا وندا قۇندى دۇنيە بولعان جوق. قۇجاتتارىم وزىممەن بىرگەن جۇرەتىن كىشكەنتاي سومكەدە بولاتىن. قۇندى زاتتارىمنان ايىرىلماسام دا، جامان بولىپ قالدىم. پوليتسيانى شاقىرعىم كەلمەگەن، ويتكەنى ولاردىڭ ۇرىنى تاۋىپ بەرەتىنىنە مەن دە سەنبەيمىن. الايدا، جانىمداعىلار پوليتسيا شاقىرۋ كەرەك دەپ كەڭەس بەردى. ءتارتىپ ساقشىلارى تەز كەلدى. ءبىراق كەلە سالىپ ايتقان ءسوزى مەنى ەسەڭگىرەتىپ تاستادى: «نەسىنە ۋايىمدايسىز؟ ۇرىلار قاشان دا بولعان، ءالى دە بولا بەرەدى. نە ىستە دەيسىز ەندى؟»، دەپ بەتىمە قاراپ تۇردى»، - دەپ جازدى يرينا سميرنوۆا.

بۇعان جاۋاپ رەتىندە دەپۋتات قۇقىق قورعاۋ ورگاندارىنىڭ قىزمەتكەرلەرىنە يىقتارىنداعى پوگوندى شەشىپ تاستاۋدى ۇسىندى.

الماتى قالالىق پوليتسيا دەپارتامەنتى، 5- قاڭتار كۇنى دەپۋتات يرينا سميرنوۆا كولىگىنىڭ تونالعانى تۋرالى ارىز تۇسىرگەنىن اتاپ ءوتتى.

«اتالعان جايت سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە ەنگىزىلىپ، ق ر ق ك- ءنىڭ 188-بابى «ۇرلىق» بويىنشا تىركەلدى. وقيعانىڭ ءمان-جايىن انىقتاۋ ءۇشىن جەدەل-تەرگەۋ توبى قۇرىلدى. ونىڭ قۇرامىندا كريمينالدىق پوليتسيا قىزمەتكەرلەرى بار»، - دەپ حابارلايدى الماتى قالالىق پ د باسپا ءسوز قىزمەتى.