اتاقتى باسكەتبولشى تىكۇشاق اپاتىنان قازا بولدى

None
None
اتلانتا. قازاقپارات - جەكسەنبى كۇنى تاڭەرتەڭ كاليفورنيا شتاتىنداعى كالاباساس قالاسىندا بولعان تىكۇشاق اپاتىنان قازا تاپقان توعىز ادامنىڭ ىشىندە تانىمال باسكەتبولشى كوبي برايانت پەن ونىڭ قىزدارىنىڭ ءبىرى بار، دەپ حابارلايدى قازاقپارات.

CNN تەلەارناسىنىڭ حابارلاۋىنشا، 41 جاستاعى برايانت پەن ونىڭ 13 جاستاعى قىزى دجاننا ماريا ونورە برايانت تاۋزاند- وكستاعى مامبا سپورت اكادەمياسىنا جاتتىعۋعا بەت العان.

لوس- اندجەلەس وكرۋگىنىڭ ءورت قاۋىپسىزدىگى قىزمەتىنىڭ باسشىسى دەريلا ءوسبيدىڭ ايتۋىنشا، لوس- اندجەلەستىڭ ورتالىعىنان سولتۇستىك- باتىسقا قاراي 30 ميلل جەردە تىكۇشاق اپاتقا ۇشىراپ، وتقا ورانعان. اپات سالدارىنان بورتتا بولعان توعىز ادامنىڭ بارلىعى قازا تاپتى، دەلىنگەن لوس- اندجەلەس وكرۋگى شەريف دەپارتامەنتىندە.

بۇعان دەيىن شەريف دەپارتامەنتى اپات سالدارىنان بەس ادام قازا بولعانىن مالىمدەدى.

توني التوبەللي CNN گە ءوزىنىڭ اعاسى، بەيسبولدان Orange Coast كوللەدجىنىڭ جاتتىقتىرۋشىسى 56 جاستاعى دجون التوبەللي، دجوننىڭ قىزى اليسسا مەن ايەلى كەري دە اۋە اپاتىنان قازا تاپقانىن حابارلادى. التوبەللي بەيسبولدان حيۋستون ۋنيۆەرسيتەتىندە جاتتىقتىرۋشىنىڭ بۇرىنعى كومەكشىسى بولعانىن ءمالىم ەتتى.

اپاتتان قازا تاپقانداردىڭ ىشىندە كاليفورنيا شتاتىنىڭ كورونا- دەل- مارداعى Harbor Day School مەكتەبىندە باسكەتبولدان قىزدار جاتتىقتىرۋشىسىنىڭ كومەكشىسى كريستينا ماۋزەر بار دەپ جازدى ونىڭ كۇيەۋى مەتت ماۋزەر Facebook تاعى پاراقشاسىندا.


لوس- اندجەلەس وكرۋگىنىڭ ءورت قاۋىپسىزدىگى دەپارتامەنتىنىڭ كاپيتانى توني يمبرەندا «سيكورسكيي S-76B» تىكۇشاعىنىڭ اپات سيگنالىن بەرگەن- بەرمەگەنى تۋرالى اقپارات جوق ەكەنىن ايتتى.

«تىكۇشاق 1991 -جىلى قۇراستىرىلعان» دەپ حابارلايدى فەدەرالدى اۆياتسيا باسقارماسى. فەدەرالدى اۆياتسيا باسقارماسىنىڭ تىركەۋ دەرەكتەر بازاسىنا سايكەس، ول Island Express Holding Corp كومپانياسىندا تىركەلگەن. فەدەرالدى اۆياتسيا باسقارماسى جانە كولىك قاۋىپسىزدىگى جونىندەگى ۇلتتىق كەڭەس اپاتقا قاتىستى تەرگەۋ جۇرگىزۋدە دەلىنگەن باسقارمادا.

CNN مەتەورولوگى مايكل گايدىڭ ايتۋىنشا، اپات كەزىندە تۇمان ءتۇسىپ، نوسەر جاڭبىر جاۋعان. سونىڭ سالدارىنان جولدىڭ كورىنۋى تومەن بولعان.

سوڭعى جاڭالىقتار