قازاقستاندا كوروناۆيرۋسقا بايلانىستى جەدەل جەلى ىسكە قوسىلدى

«قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ جانىنان cаll-ورتالىق (1406, 77172768043) ءىس قوسىلدى. ازاماتتار وسى نومىرلەرگە تاۋلىك بويىنشا حابارلاسىپ، الەمدەگى كوروناۆيرۋسقا قاتىستى احۋال جايلى سۇراقتارىنا جاۋاپ الا الادى. سونىمەن بىرگە، جەدەل جەلى اۋرۋدىڭ نەگىزگى بەلگىلەرى مەن الدىن الۋ شارالارىنا بايلانىستى پايدالى كەڭەس بەرە الادى» ، - دەلىنگەن مينيسترلىكتىڭ facebook پاراقشاسىندا.

مينيسترلىكتىڭ حابارلاۋىنشا، كوروناۆيرۋستىڭ العاشقى بەلگىلەرى - باستىڭ اۋرۋى، تۇماۋ، كەۋدەدەگى اۋىرلىق، وكپەنىڭ قابىنۋى، قىزۋدىڭ كوتەرىلۋى، جۇرەك قاعىسىنىڭ جيىلەۋى، دەمنىڭ جەدەلدەۋى.

«مۇنداي جاعدايدا ەم شاراسىن وزدىگىمەن قابىلداماي، بىردەن 103 نومىرىنە حابارلاسۋ كەرەك!» - دەپ ەسكەرتەدى مينيسترلىكتەن.

ەسكە سالا كەتسەك، كەشە ق ر پرەزيدەنتى قاسىم- جومارت توقايەۆ قىتايدان قازاقستان اۋماعىنا كوروناۆيرۋستىڭ تارالۋىنا جول بەرمەۋ بويىنشا ناقتى ۇيىمداستىرۋ شارالارىن قابىلداۋدى تاپسىرعان ەدى.