مينيسترلىك جەلىدە كوروناۆيرۋسقا قاتىستى جالعان اقپارات تاراپ جاتقانىن ەسكەرتتى

«وزدەرىڭىز كورىپ وتىرعانداي، مەسسەندجەرلەر مەن الەۋمەتتىك جەلىلەردە قازىرگى تاڭدا قىتايدا 2,8 ميلليون ادام كوروناۆيرۋس جۇقتىرىپ، 112 مىڭ ادامنىڭ كوز جۇمعانى تۋرالى اقپارات تاراپ جاتىر. بۇل اقپارات - جالعان!» - دەدى دەنساۋلىق ساقتاۋ مينيسترلىگى.

مينيسترلىك وسى رەتتە تەك رەسمي اقپاراتتارعا سەنۋ كەرەكتىگىن ەسكەرتەدى.

«25 - قاڭتارداعى رەسمي مالىمەتتەرگە سايكەس، قىتايدىڭ 30 پروۆينتسياسىندا (اۆتونومدى اۋداندار مەن مۋنيتسيپاليتەتتەردە) جۇقتىرۋدىڭ 1975 راستالعان جاعدايى تىركەلدى. ونىڭ ىشىندە 56 ادام كوز جۇمعان. 13 ەلدە 34 جاعداي تىركەلىپ وتىر: گونكونگتا - 5, تايلاندتا - 5, تايۆاندا - 3, مالايزيادا - 3, سينگاپۋردا - 3, فرانسيادا - 3, جاپونيادا - 2, و. كورەيادا - 2, ا ق ش- تا - 2, ۆەتنامدا - 2, ماكاودا - 2, نەپالدا - 1, اۆستراليادا - 1 جاعداي تىركەلگەن» ، - دەلىنگەن حابارلامادا.

ەسكە سالايىق، كەشە ق ر پرەزيدەنتى قاسىم- جومارت توقايەۆ قىتايدان قازاقستان اۋماعىنا كوروناۆيرۋستىڭ تارالۋىنا جول بەرمەۋ بويىنشا ناقتى ۇيىمداستىرۋ شارالارىن قابىلداۋدى تاپسىرعان بولاتىن. وسىعان وراي ۇكىمەت باسشىسى اسقار مامين ءبىرقاتار تاپسىرما جۇكتەدى.