قىتاي قاۋىپتى كوروناۆيرۋسقا قارسى ۆاكسينا جاساۋعا كىرىستى

None
None
بەيجىڭ. قازاقپارات - قىتايدىڭ جۇقپالى اۋرۋلاردى باقىلاۋ جانە الدىن الۋ ورتالىعىنىڭ عالىمدارى جاڭا كوروناۆيرۋسقا قارسى ۆاكتسينا دايىندالىپ جاتقانىن مالىمدەدى، دەپ حابارلايدى قازاقپارات China Daily گە سىلتەمە جاساپ.

«ورتالىق عالىمدارى ۆيرۋستى انىقتاپ، ەكپە جاساۋعا قاجەتتى شتاممدى تاڭداۋ جۇمىستارىن جۇرگىزۋدە» ، - دەدى ورتالىق باسشىسى شيۋي ۆەنبو.

ونىڭ ايتۋىنشا، ەكپەنى زەرتتەۋ جانە جاساۋ وتە كۇردەلى پروتسەسس. ۆاكسينا قولدانىسقا دايىن بولۋ ءۇشىن كەمىندە 2-3  جىل قاجەت.

ال كەشە تاڭەرتەڭ كانادادا جاڭا كوروناۆيرۋس ءتۇرىن جۇقتىرعان العاشقى ازامات تىركەلگەنى ءمالىم بولدى. Fox News مالىمەتى بويىنشا، كوروناۆيرۋس بەيسەنبى كۇنى قىتايدىڭ ۋحان قالاسىنان تورونتوعا ورالعان 50 جاستاعى ەر ادامنان تابىلدى.

سونىمەن قاتار، ۆيرۋستى جۇقتىرۋ فاكتىلەرى وسى دەمالىستاردا اۋستراليا مەن مالايزيادا دا انىقتالدى. فرانسيا ينفەكتسياعا شالدىققان العاشقى ناۋقاس جۇما كۇنى تىركەلگەنىن ءمالىم ەتكەن ەدى.

Yonhap حابارلاۋىنشا، كەشە تاڭەرتەڭ وڭتۇستىك كورەيادا كوروناۆيرۋسپەن ءۇشىنشى ادام ەسەپكە الىندى. 54 جاستاعى ناۋقاس دۇيسەنبى كۇنى ۋحاننان وڭتۇستىك كورەياعا ورالعان، قازىر كارانتيندە.

قىتاي جاڭا كوروناۆيرۋستى جۇقتىرعاندار 2 مىڭنان اسىپ كەتكەنىن راستادى. قاۋىپتى ۆيرۋس ەلدە 56 ادامنىڭ ءومىرىن قيدى.


سوڭعى جاڭالىقتار