قازاقستان قاجەت بولعان جاعدايدا ەلىمىز ازاماتتارىن ۋحاننان ەۆاكۋاتسيالايتىن بولادى

مينيسترلەر كابينەتىنىڭ باسشىسى كەڭەس قورىتىندىسى بويىنشا ءبىرقاتار كەشەندى الدىن الۋ شارالارىن قابىلداۋدى جۇكتەدى. سونىڭ ىشىندە قاجەت بولعان جاعدايدا ق ح ر ۋحان قالاسىندا جۇرگەن قازاقستان ستۋدەنتتەرى مەن ق ر- دىڭ باسقا دا ازاماتتارىن شۇعىل ەۆاكۋاتسيالاۋدى قامتاماسىز ەتۋ تاپسىرماسى بار.

سونداي- اق كەلەسىدەي شارالار قولعا الىنادى:

1. مەملەكەتتىك شەكارادان وتكىزۋ بەكەتتەرىندە، ونىڭ ىشىندە اۋە، اۆتوكولىك جانە تەمىرجول كولىگى نىساندارىندا سانيتارلىق- ەپيدەميولوگيالىق جانە كوشى- قون باقىلاۋىن كۇشەيتۋ؛

2. ق ح ر- دان كەلگەن بارلىق ادامدارعا تۇرعىلىقتى مەكەنجايى بويىنشا مەديتسينالىق باقىلاۋ ورناتۋ؛

3. ەپيدەميولوگيالىق احۋال ناشارلاعان جاعدايدا حالىققا قاجەتتى كومەك كورسەتەتىن مەديتسينالىق ۇيىمداردىڭ دايىندىعىن قامتاماسىز ەتۋ؛

4. قىتايعا قىزمەتتىك ءىس- ساپارلاردى شەكتەۋ، سونداي- اق جەكە ىستەر مەن تۋريستىك ماقساتتاردا بارماۋعا كەڭەس بەرۋ؛

5. ق ح ر- دان كەلەتىن ترانزيتتىك جولاۋشىلارعا ق ر اۋماعىنا 72 ساعاتتىق ۆيزاسىز كەلۋ رەجيمىن ۋاقىتشا توقتاتۋ؛

6. ق ح ر اۋماعىنداعى قازاقستاندىق ازاماتتارمەن ولارعا كونسۋلدىق جانە وزگە دە كومەك كورسەتۋ ماقساتىندا جۇمىستى جانداندىرۋ؛

7. مەملەكەتتىك ورگاندار كوروناۆيرۋستىق ينفەكتسيانىڭ تارالۋىن بولدىرماۋ جونىندەگى ءىس- قيمىلدى ۇيلەستىرۋ ماقساتىندا ق ح ر جانە باسقا دا مۇددەلى ەلدەردىڭ ءتيىستى مەملەكەتتىك قۇرىلىمدارىمەن قاجەتتى ءوزارا ءىس- قيمىلدى ۇيىمداستىرۋى ءتيىس؛

8. «قورعاس» شى ح و قازاقستاندىق بولىگىنىڭ جۇمىسىن ۋاقىتشا توقتاتۋ؛

9. پرەمەر- ءمينيستردىڭ ورىنباسارى ب. ساپاربايەۆتىڭ ءتوراعالىق ەتۋىمەن ۆەدومستۆوارالىق كوميسسيا قۇرۋ، وعان قازاقستاندا كوروناۆيرۋستىڭ تارالۋىنا جول بەرمەۋ جونىندەگى ءىس- قيمىل جوسپارىن ازىرلەۋ تاپسىرىلدى.

ق ر پرەمەر- مينيسترىنە قالىپتاسقان احۋال جانە ولارعا ارەكەت ەتۋ شارالارى جونىندە دەنساۋلىق ساقتاۋ ءمينيسترى ەلجان ءبىرتانوۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، مادەنيەت جانە سپورت ءمينيسترى اقتوتى رايىمقۇلوۆا، سىرتقى ىستەر ءمينيسترىنىڭ ءبىرىنشى ورىنباسارى ش. نۇرىشيەۆ، قازاقستاننىڭ باس سانيتارلىق دارىگەرى جانداربەك بەكشين، ق ر ۇلتتىق قاۋىپسىزدىك كوميتەتىنىڭ شەكارا قىزمەتىنىڭ ديرەكتورى د. ءدىلمانوۆ، سونداي- اق الماتى جانە شىعىس قازاقستان وبلىستارىنىڭ باسشىلىعى باياندادى.