تۇركياداعى ءزىلزالادان قازاقستاندىقتار زارداپ شەككەن جوق – ق ر س ءى م

بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى، دەپ حابارلايدى قازاقپارات.

تۇركياداعى جەر سىلكىنىسى: مىڭداعان ادام ءتۇندى كوشەدە وتكىزدى تۇركياداعى ءزىلزالادان 19 ادام كوز جۇمدى

«تۇركيالىق تاراپتىڭ الدىن الا مالىمەتى بويىنشا، جەر سىلكىنىسىنەن زارداپ شەككەندەر اراسىندا قازاقستاندىقتار جوق»، - دەپ جازدى ايبەك سمادياروۆ Telegram جەلىسىندە.

ەسكە سالا كەتسەك، 24- قاڭتار كۇنى تۇركيانىڭ شىعىسىندا جەرگىلىكتى ۋاقىتپەن 20:55 تە ماگنيتۋداسى 6,8 بالدىق جەر سىلكىنىسى سالدارىنان 20 ادام قازا تاپتى.

جەراستى ءدۇمپۋىنىڭ وشاعى سيۆريدجە ۋەزىنىڭ ەليازىگ پروۆينتسياسىندا ورنالاسقان.

تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە جويۋ جونىندەگى باسقارماسىنىڭ (AFAD) مالىمەتى بويىنشا، ءزىلزالادان كەيىن ماگنيتۋداسى 2,7-5,4 بالدىق 60 افتەرشوك تىركەلگەن. جەراستى ءدۇمپۋى ەليازىگ ماڭىنداعى پروۆينتسيالار (ادانا، حاتاي، وسمانيە، تۋندجەلي، گازيانتەپ، شانلىۋرفا، مالاتيا، ماردين، سامسۋن، توكات، چورۋم جانە كايسەري) مەن سيريانىڭ سولتۇستىگىندە بايقالعان.

ەلباسى نۇرسۇلتان نازاربايەۆ تۇركيا رەسپۋبليكاسىنىڭ پرەزيدەنتى رەجەپ تايپ ەردوعانعا كوڭىل ايتۋ جەدەلحاتىن جولدادى.