ەكى نوكداۋن: باتىر جۇكەمبايەۆ كانادادا جەڭىسكە جەتتى

None
None
مونرەال. قازاقپارات - قازاقستاندىق كاسىپقوي بوكسشى باتىر جۇكەمبايەۆ كەزەكتى جەكپە-جەگىندە جەڭىسكە جەتتى، دەپ حابارلايدى قازاقپارات.

«ريكي» لاقاپ اتتى مەكسيكالىق ريكاردو لاراعا قارسى (22-7، 10 KO) ايقاس كانادانىڭ مونرەال قالاسىندا «Montreal Casino ارەناسىندا» ءوتتى.

ونى «حابار» ارناسى تىكەلەي ەفيردەن كورسەتتى.

باتىر جۇكەمبايەۆ ءبىرىنشى راۋدتان-اق بەلسەندى ايقاسقا كىرىستى. ال ەكىنشى راۋندتا وپپونەنتىن ەكى رەت اۋىر نوكداۋنعا ءتۇسىردى. وسىدان كەيىن مەكسيكالىق بوكسشىنىڭ وكىلدەرى جەكپە-جەكتى جالعاستىرۋدان باس تارتتى. تورەشىلەردىڭ ءبىراۋىزدى شەشىمىمەن جەڭىستى قازاق بوكسشىسىنا بەردى.

وسىلايشا، ب. جۇكەمبايەۆ كاسىپقوي بوكستاعى 18-كەزدەسۋىن 18- جەڭىسپەن اياقتادى. ونىڭ 14 ىندە قارسىلاسىن نوكاۋتقا جىبەرگەن.

ايتا كەتسەك، اۋەلدە جۇكەمبايەۆتىڭ IBF Latino چەمپيونى ارگەنتينالىق ماكسيميليانو ريكاردو ۆەرونعا (12-3-1، 4 ك و) قارسى ايقاساتىنى جاريالانعان ەدى. الايدا بۇل شەشىم اياق استىنان اۋىستىرىلىپ، وپپونەنت رەتىندە ريكاردو لارا بەلگىلەندى.

باتىر سوڭعى رەت رينگكە 2019-جىلدىڭ قىركۇيەگىندە كانادادا شىققان بولاتىن. وندا تورەشىلەردىڭ ءبىراۋىزدى شەشىمىمەن جەڭىسكە جەتتى. حالىقارالىق بوكس ۇيىمىنىڭ (IBO) رەيتينگىندە ول ءوز سالماعىندا 11-ورىندا تۇر.

سوڭعى جاڭالىقتار