ق ر پرەزيدەنتى قىتايداعى كوروناۆيرۋستىڭ قازاقستاندا تارالۋىنىڭ الدىن الۋدى تاپسىردى

None
None
نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ وسى كۇندەرى قىتايدا ورشىگەن كوروناۆيرۋستىڭ ەلىمىزدە تارالۋىنىڭ الدىن الۋ شارالارىن اتقارۋدى جۇكتەدى، دەپ حابارلايدى قازاقپارات.

«ۇكىمەتكە قىتايدا پايدا بولعان كوروناۆيرۋستىڭ قازاقستان اۋماعىنا تارالۋىنا جول بەرمەۋ جونىندە ناقتى ۇيىمداستىرۋ شارالارىن قابىلداۋ تاپسىرىلدى»، - دەپ جازدى مەملەكەت باسشىسى Twitter- دە.

ەسكە سالايىق، قىتايدا پنيەۆمونيالىق ينفەكتسيانىڭ جاڭا ءتۇرى تاراپ جاتىر. سىرقاتقا شالدىققان جانە كوز جۇمعاندار سانى كۇن ساناپ ارتىپ كەلەدى. العاشقى ناۋقاستار تىركەلگەن كۇندەرى (15- قاڭتار) ەسەپكە 41 ادام الىنعان بولاتىن.

سوڭعى مالىمەتتەر بويىنشا، قىتايدا جاڭا كوروناۆيرۋستى جۇقتىرعاندار 1326 عا جەتىپ، ولىممەن 41 وقيعا اياقتالدى.

پنيەۆمونيانىڭ بۇل ءتۇرى تايلاند، ەۋروپا ەلدەرى مەن ا ق ش- تا تىركەلىپ وتىر.

قازاقستان كوروناۆيرۋستى زەرتحانالىق جاعدايدا انىقتاۋعا مۇمكىندىك بەرەتىن پرايمەرلەردى ساتىپ الۋدى باستادى.

ق ر دەنساۋلىق ساقتاۋ مينيسترلىگى ەلىمىزدە ينفەكتسيا تىركەلمەگەنىن رەسمي ءمالىم ەتتى.

ق ر سىرتقى ىستەر مينيسترلىگىنىڭ اقپاراتىنشا، كارانتينگە جابىلعان قىتايدىڭ ۋحان قالاسىندا بۇگىندە قازاقستاننان 230 ستۋدەنت وقيدى. ولاردىڭ 98 ءى  عانا قالادا قالىپ وتىر. قالعاندارى دەمالىستىڭ باستالۋىنا بايلانىستى قازاقستانعا جانە باسقا دا ەلدەرگە كەتىپ قالعان.

ەلىمىز وڭىرلەرىندەگى بارلىق اۋەجايلاردا پروفيلاكتيكالىق شارالار جانە وقۋ-جاتتىعۋ جۇمىستارى جۇرگىزىلۋدە.

سوڭعى جاڭالىقتار