21:47, 12 - جەلتوقسان 2019 | GMT +6
باۋىرجان يسلامحاننىڭ رەسەيلىك كلۋبتاعى ەڭبەكاقىسى مەن كەلىسىمشارتى بەلگىلى بولدى
نۇر-سۇلتان. قازاقپارات - قايرات ف ك ماسكەۋلىك «لوكوموتيۆ» قازاقستان قۇراماسىنىڭ جارتىلاي قورعاۋشىسى ءارى كاپيتانى باۋىرجان يسلامحانعا قىزىعۋشىلىق تانىتىپ وتىر، دەپ حابارلادى vesti.kz سايتى بيزنەس Online-عا سىلتەمە جاساپ.
ب ا ق مالىمەتىنشە، شەتەلدىك نارىققا جاۋاپتى سكاۋت اندرەي لوسيۋك 26 جاستاعى شابۋىلداۋشى حاۆبەكتىڭ وكىلدەرىمەن كەلىسسوز وتكىزگەن. يسلامحاننىڭ كانديداتۋراسىن كلۋبتىڭ باس ديرەكتورى ۆاسيلي كيكنادزە ماقۇلدادى. ەندى ونى باس باپكەر يۋريي سەمين ماقۇلداۋى قاجەت.
ەگەر كەلىسىم ماقۇلدانسا، فۋتبولشىعا ميلليون ەۋروعا دەيىنگى ەڭبەكاقىمەن 2+1 جۇيەسى بويىنشا كەلىسىمشارت ۇسىنىلادى. ەسكە سالايىق، جاقىندا «قايراتپەن» كەلىسىمشارتى اياقتالاتىن يسلامحان «لوكوموتيۆتەن» ۇسىنىس العانى جايلى حابارلاندى. الماتىلىق كلۋب ساپىندا فۋتبولشى 2014 -جىلدان بەرى ويناپ كەلەدى.
www.24.kz