جانكۇيەرلەر ديماش قۇدايبەرگەندى ەلوردا اۋەجايىنان كۇتىپ الدى

None
None
نۇر- سۇلتان. قازاقپارات - قازاق ۇلتتىق ونەر ۋنيۆەرسيتەتىنىڭ ستۋدەنتتەرى مەن وقىتۋشىلارى، سونداي- اق ەلوردالىق تىڭدارماندار شىعارماشىلىعى الەمگە ايگىلى، تانىمال ءانشى ديماش قۇدايبەرگەندى نۇرسۇلتان نازاربايەۆ حالىقارالىق اۋەجايىنان كۇتىپ الدى، دەپ حابارلايدى قازاقپارات ءتىلشىسى.

«نيۋ- يوركتىڭ Barclays Center ۇلكەن الەمدىك ساحناسىندا قازاق اندەرى شىرقالدى. الەمنىڭ 60 ەلىنەن تىڭدارماندار كەلدى. ءبىزدىڭ قازاقتىڭ جالاۋىن ۇستاپ تۇرعانىنان ولاردىڭ ءبىزدىڭ ەلگە دەگەن قۇرمەتىن بايقاۋعا بولادى. بۇل - ءبىز ءۇشىن عانا ەمەس، ەلىمىز ءۇشىن دە ۇلكەن مارتەبە. ەلگە دەگەن قۇرمەت - ءبىرىنشى كەزەكتە، قازاق جەرىنە، مادەنيەتى مەن ونەرىنە دەگەن قۇرمەت. ديماشتىڭ اندەرىن ءسۇيىپ تىڭدايتىن بارشاڭىزعا العىسىمدى ايتامىن، سونداي- اق قولداۋ كورسەتكەن ەلىمىزدىڭ باسشىلىعىنا شەكسىز ريزامىز»، - دەگەن اقجارما تىلەگىن ءبىلدىردى ديماش قۇدايبەرگەننىڭ اكەسى ءارى پروديۋسەرى قانات ايتبايەۆ.

اۋەجايعا قازۇءوۋ ستۋدەنتتەرى عانا ەمەس، فانكلۋبتار مەن قاراپايىم تۇرعىندار دا كەلگەن. ءتىپتى حالىقتىڭ سۇيىكتىسى، تالانتتى ءانشىنى قولداۋ ءۇشىن ەلورداعا ارنايى كەلگەن قوناقتار دا بار. ولار ءانشىنى زور قوشەمەتپەن، گۇل شوعىمەن جانە سىيلىقتارىمەن قارسى الدى. كۇتىپ الۋشىلار ءانشىنىڭ سۋرەتى مەن قولتاڭباسى بار فۋتبولكالار كيىپ، ارنايى پلاكاتتار دايىنداعان ەكەن.

ەسكە سالا كەتەيىك، ق ر تاۋەلسىزدىك كۇنىنە وراي ديماش قۇدايبەرگەنگە «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى بەرىلدى.

ايتا كەتەيىك، الەمگە تانىمال قازاق ورىنداۋشىسى ديماش قۇدايبەرگەننىڭ نيۋ- يوركتەگى كونسەرتى ۇلكەن انشلاگپەن وتكەن بولاتىن. الەمدىك ساحنادا ول حالىق اندەرىن شىرقادى. ال ونى تىڭداۋعا ا ق ش، اۆستراليا، مەكسيكا، رەسەي، چيلي، بولگاريا، فيليپپين، يسپانيا، كانادا، قازاقستان، جاپونيا سياقتى 60 ەلدەن تىڭدارماندار كەلدى.

سوڭعى جاڭالىقتار