جۋسان وپەراتسياسى جالعاسادى – ۇ ق ك

None
None
نۇر- سۇلتان. قازاقپارات - ۇلتتىق قاۋىپسىزدىك كوميتەتىنىڭ تەرروريزمگە قارسى ورتالىق شتابى باسشىسىنىڭ ءبىرىنشى ورىنباسارى سەرگەي شۆەيكيننىڭ ايتۋىنشا، «جۋسان» وپەراتسياسى جالعاسقانىمەن، ونىڭ اتاۋى وزگەرەدى، دەپ حابارلايدى قازاقپارات ءتىلشىسى.

«جۋسان» وپەراتسياسىن جالعاستىرامىز. ايتسە دە، ونىڭ اتاۋى وزگەرەدى. گۋمانيتارلىق وپەراتسيانىڭ كومەگىمەن سيريادان 595  وتانداسىمىز، ونىڭ ىشىندە 406 بالا ەلگە قايتارىلدى. رەپاترياتسيا پروتسەسى ءالى شەگىنە جەتكەن جوق. سوندىقتان بۇل سوڭعى مالىمەت ەمەس. ونىڭ 57- ءسى قىلمىستىق ىسكە تارتىلعان. بۇگىنگە دەيىن 3-9 جىل ارالىعىندا 24- ءى سوتتالدى. 11 - قىركۇيەكتە ەلوردانىڭ مامانداندىرىلعان اۋداندىق سوتى تەرروريزمگە قاتىسى بار دەپ ايىپتالعان 14 ادامعا ۇكىم شىعاردى»، - دەدى ۇ ق ك وكىلى ەلوردادا وتكەن باسپا ءسوز ءماسليحاتىندا.

ونىڭ ايتۋىنشا، تەرروريستىك ارەكەتكە قاتىسى جوق ايەلدەر مەن بالالاردى وڭالتۋ جۇمىسىنىڭ ارقاسىندا 22 ايەل زايىرلى ءومىر سالتىن ۇستانىپ، 33 ايەل ءداستۇرلى يسلامعا قايتقان.

«كەلەسى گۋمانيتارلىق وپەراتسيا «جۋسان» دەپ اتالماۋى مۇمكىن. رەپاترياتسيا جۇمىستارى جالعاسىپ، ەلگە قايتارىلاتىن ازاماتتاردىڭ سانى ارتادى»، - دەى ول.

اۆتور ايان بەكەن ۇلى

سوڭعى جاڭالىقتار