12:19, 12 - جەلتوقسان 2019 | GMT +6
ديماش «قازاقستاننىڭ ەڭبەك سىڭىرگەن قايراتكەرى» اتاندى
نۇر-سۇلتان. قازاقپارات - ديماش قۇدايبەرگەن جانە ارۋجان ساين مەملەكەتتىك ناگرادالارمەن ماراپاتتالدى، دەپ حابارلايدى قازاقپارات اقورداعا سىلتەمە جاساپ.
ق ر پرەزيدەنتى قاسىم- جومارت توقايەۆتىڭ جارلىعىمەن قازاقستان رەسپۋبليكاسىنىڭ بالالار قۇقىقتارى جونىندەگى ۋاكىلى ا. ساين «قۇرمەت» وردەنىمەن ماراپاتتالدى.
سونداي- اق، «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى عىلىم جانە مادەنيەت سالاسىنىڭ 36 كورنەكتى وكىلىنە بەرىلدى، ولاردىڭ ىشىندە بەلگىلى انشىلەر تامارا اسار مەن ديماش قۇدايبەرگەن بار.
ايتا كەتسەك، تاۋەلسىزدىك كۇنى قارساڭىندا ءبىرقاتار ازامات مەملەكەتتىك ناگرادالارمەن ماراپاتتالعانى تۋرالى بۇعان دەيىن حابارلاعان بولاتىنبىز.