11:50, 12 - جەلتوقسان 2019 | GMT +6
نۇرسۇلتان نازاربايەۆقا «تۇركى دۇنيەسىنىڭ جاندانۋ سىيلىعى» بەرىلدى
انكارا. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆقا «تۇركى دۇنيەسىنىڭ جاندانۋ سىيلىعى» بەرىلدى، دەپ حابارلايدى قازاقپارات ءتىلشىسى انكارادان.
سىيلىقتى 1919 -جىلعى 19 -مامىردا تۇركيانىڭ ازاتتىق الۋىنىڭ 100 جىلدىعىنا وراي تۇركى دۇنيەسى جازۋشىلار جانە ونەرپازدار قورى تاعايىنداعان بولاتىن.
بۇل ماراپات العاش رەت بەرىلىپ وتىر جانە وعان ق ر تۇڭعىش پرەزيدەنتى - ەلباسى نۇرسۇلتان نازاربايەۆ لايىق دەپ تانىلدى.
سىيلىقتى تۇركيا پارلامەنتىنىڭ ءتوراعاسى مۇستافا شەنتوپ قازاقستان رەسپۋبليكاسى تاۋەلسىزدىگىنىڭ 28 جىلدىعىنا ارنالعان قابىلداۋ كەشىندە قازاقستاننىڭ تۇركياداعى توتەنشە جانە وكىلەتتى ەلشىسى ابزال ساپاربەك ۇلىنا تابىستادى.