كۇيەۋدى سىيلاماۋدىڭ كەسىرى قانداي؟
ەرىنە كۇش- قۋات سىيلامايتىن بولادى. ەرىنىڭ جولى جابىلىپ، باستاعان ىسىنەن بەرەكە كەتەدى. ول ءتۇرلى ىشىمدىككە اۋەستەنىپ، ايەل ونىڭ سىيلاۋعا لايىق ەمەستىگىنە كوز جەتكىزە تۇسەدى. تۇيىق شەڭبەر. ەر ادام مۇنداي جاعدايدى وزگەرتۋگە قاۋقارسىز.
- ەگەر ايەل دەر كەزىندە توقتاماسا، سىنايتىن مىنەز مىندەتتى تۇردە تابىلادى. بۇل ناشار تاجىريبە - جامان ويلاساڭ، جامان ءىس ىستەيسىڭ، سول ارقىلى ونى جاماندايسىڭ، قۇربىلارىڭ مەن اناڭ ساعان كەڭەسشى ەمەس، تەكككە قارىم- قاتىناس كۇيرەيدى، ءوزىڭ دە كۇيزەلەسىڭ.
- قارىم- قاتىناستىڭ ءبۇلىنۋى جۇيكە جۇيەسىن قۇرتادى. ايەلدىڭ نازىك جۇرەگىن تاسقا اينالدىرادى. جانىن دەرتكە مالىپ، تانىنە اۋرۋ بەرەدى. بۇل عانا ەمەس، ءبىز بۇل جاماناتتى ساقتاپ، ارى قاراي قولدان قولعا وتكىزەمىز، تاراتامىز.
- جامان وي بار قۋات-كۇشىڭدى جەپ قويادى. ايەلدىڭ قولداۋى، سەزىمى، قۋاتى، ماقۇلداۋى - ەركەك ءۇشىن وتە ماڭىزدى. ونىڭ جەتىستىگىنىڭ، العا ۇمسىنۋىنىڭ، ىرىزدىعىنىڭ ىرگەتاسى. ايەل ەرى تۋرالى تومەن ويلاعان سايىن ونىڭ ءوزى ءۇشىن جاقسى بولۋىنا كەدەرگى قويادى، جەتىستىككە تالپىنىسىن جويادى.
- ءوز كۇيەۋىن سىيلامايتىن ايەل مۇنىسىن بالالارىنا سىڭىرەدى. ەسىڭىزگە ءتۇسىرىڭىز دە، مىنا سۇراققا جاۋاپ بەرىڭىز: ءسىزدىڭ شەشەڭىز اكەڭىزدى سىيلاپ پا ەدى؟ ءسىز ول سىيلاستىقتى قالاي ءتۇسىنۋشى ەدىڭىز؟ جاي عانا سەزىنەتىنسىز. بالاعا ەشتەڭە ءتۇسىندىرىپ كەرەك ەمەس. ولار ونسىز دا ءبارىن كورەدى، بىلەدى. ەگەر كۇيەۋىڭىزدى سىيلاماساڭىز، بالاڭىز جامان وقيتىن بولادى، وسى قىلىعى ارقىلى قارسىلىعىن بىلدىرگەنى. ءسىزدى تىڭدامايدى. ءسوز قايتارادى. دورەكى سويلەيدى. ايتقانىڭىزدىڭ ءبارىن كەرىسىنشە ىستەيدى. جامان ورتاعا تۇسەدى. جامان قىلىقتارعا جاقىن بولا باستايدى. كەلەشەكتە وزدەرى دۇرىس قارىم- قاتىناس قۇرا المايتىن بولادى. كۇيەۋىن سىيلاماۋدىڭ قۇنى زور.
- كۇيەۋىڭىزدى وزگەلەرگە جامانداپ كوپتەگەن اقىل ەستيسىز. ول ءسىزدىڭ تەڭىڭىز ەمەس، اجىراس دەر. ءبىراق بۇل اڭگىمەدە ءسىز ءوزىڭىزدى ەمەس، ءوز جۇرەگىڭىزدى ەمەس، وزگەنىڭ اقىلىن تىڭدايسىز. بوتەننىڭ تىلىنە ەرەسىز.
- كۇيەۋىڭىزدى اناڭىزعا جامانداپ كوزگە كورىنبەس بايلانىستى نىعايتا تۇسەسىز، ءسىز اناڭىزدىڭ الدىندا ءبارىبىر ونىڭ جۇرەگىن جارىپ شىققان بالا بولىپ قالا بەرەسىز. ەسەيمەي قالاسىز. كۇيەۋىڭىزگە قارسى شىعاسىز. ياعني، وعان وپاسىزدىق جاساعانىڭىز. اناڭىزبەن بىرىگىپ ونى جامانداۋ، جاقسىلىققا اپارمايدى. بۇل ادەت سىزگە نە بەرەدى؟ انا ءوز بالاسىنا جانى اشيدى، كۇيەۋ بالاسىن سىيلاۋدى قويادى. ونى قارعاپ- سىلەيدى. ءبىراق سوسىن اناڭىزدىڭ الدىندا كۇيەۋىڭىزدى اقتاپ الا المايسىز. ونىڭ مارتەبەسى ءتۇسىپ قالادى. شىنشىل بولىڭىز، ەگەر كۇيەۋىڭىز جامان بولسا، كەتىسىپ، اناڭىزبەن بىرگە تۇرىڭىز.
- قۇربىڭىزعا ونى جامانداپ، قولداۋ كۇتەسىز. ءبىراق قۇربىڭىز ەستىگەنىن ودان ءارى جەتكىزەدى. ار جاقتا ءسىز تۋرالى كىم، نە ايتىپ جاتقانى بۇلىڭعىر. ءسىزدىڭ جاقسى اتىڭىزعا كۇيە جاعىلادى. سىزگە سول كەرەك پە؟ الدە، ۇندەمەي قالاتىن قۇربى بولادى دەگەنگە سەنەمىسىز؟
- كۇيەۋىڭىز تۋرالى جامان ءسوز ايتقاندا، ءوزىڭىزدى ودان جاقسى دەپ ويلايسىز. ال، شىن مانىندە تەك تاكاپپارلىعىڭىزدى ماقتان ەتەسىز. كۇيەۋىن جامانداعان ايەل اراداعى نازىك بايلانىستى ءۇزىپ، جەكە ءومىر سۇرە باستايدى. وتباسى جويىلادى. كۇيەۋ وزىنشە بولەك ءومىر سۇرە باستايدى. ءسىز ونى سەزەسىز دە، ارتىڭىزدى ويلاي باستايسىز. سوسىن نەگە ءبارى ءبۇلىندى دەپ سۇرايسىز؟ نەدەن باستالعان ەدى؟ نەگە جۇپتاعى اڭگىمە تاۋسىلدى دەپ قايعىراسىز؟
- كۇيەۋدى ايىپتاپ، ايەلدەر ونى جامان قىلىق جاساۋعا يتەرمەلەيدى. ونىڭ وزگەرگەنى ماڭىزدى دا ەمەس. وندا ايەل كىمدى ايىپتايدى؟
- ءوزى تۋرالى بارلىق جامان ويدى ەركەك سەزەدى. ول ءسىز ءۇشىن اسقاق ارمان ەمەستىگىن بىلەتىن بولادى. سىزگە كەرەك ەمەستىگىن تۇيسىنەدى. اراداعى سەزىمنىڭ وشكەنىن تۇسىنەدى. ول ديۆانعا جاتادى دا سىزدەن كەك الادى. تاعى دا تۇيىق شەڭبەر. ديۆاندا جاتىپ ءوزى تۋرالى تاعى دا كوپ نارسە ەستيدى. ال، ايەلدەر ونى وزگەرىپ كەتەدى دەپ ءوزىن الدايدى.