كەلەر جىلدان باستاپ لومبارد نەسيە قىزمەتىنە وزگەرىستەر ەنەدى
«ىشكى ىستەر مينيسترلىگى ۇلتتىق بانكپەن بىرلەسىپ، لومباردتاردىڭ قىزمەتىن ۇيىمداستىرۋ قاعيدالارىن ازىرلەپ، بەكىتتى. وندا لومباردتا زاتتاردى ساقتاۋ، قاۋىپسىزدىكتى قامتاماسىز ەتۋ بويىنشا تالاپتاردى انىقتاۋ تارتىپتەرى كورسەتىلگەن. ەنگىزىلگەن وزگەرىستەرگە سايكەس، 2020 -جىلدىڭ 1-قاڭتارىنان باستاپ لومباردتىق ۇيىمدار ميكرونەسيەلەۋ ۇيىمدارىنا ساناتىنا جاتقىزىلادى. وسى قاعيدالارعا ساي، لومباردتار نەسيە بيۋروسىنا بارلىق كەپىلدىك مۇلىك تۋرالى مالىمەت بەرۋگە مىندەتتەلەدى. ال پوليتسيا بولىمشەلەرىنە جىمقىرىلعان مۇلىك پەن قويىلعان كەپىل نىسانىن تەكسەرۋ ءۇشىن وسى بيۋرو قولجەتىمدى بولادى»، - دەدى ءى ءى م قىلمىستىق پوليتسيا دەپارتامەنتىنىڭ باسقارما باستىعى نۇرجان راحمەتۋللايەۆ ۆەدومستۆودا وتكەن باسپا ءسوز ءماسليحاتىندا.
ءى ءى م وكىلىنىڭ ايتۋىنشا، ۇرلانعان زاتتاردىڭ كوبى (زەرگەرلىك بۇيىمدار، تۇرمىستىق تەحنيكالار) لومباردتارعا وتكىزىلەدى. مىنە، سول سەبەپتى، ىشكى ىستەر مينيسترلىگى ۇرلىق جاعدايلارىن اۋىزدىقتاۋ ءۇشىن لومباردتارعا وتكىزىلگەن زاتتاردى تەكسەرمەك.
اۆتور: ايان بەكەن ۇلى