ءى ءى م باسشىسى: باستىقتار تاراپىنان جاسالعان قاتەلىكتەرگە كوز جۇمىپ قارامايمىز

بۇل مالىمدەمەنى ق ر ىشكى ىستەر مينيسترلىگىنىڭ باسپا ءسوز قىزمەتى تاراتتى.

باسپا ءسوز قىزمەتىنىڭ مالىمەتتەرىنە قاراعاندا، ق ر ءى ءى م قىزمەتكەرلەرگە جوعارى تالاپتار قوياتىن «كۇردەلى» ماماندىقتاردىڭ ءبىرى، ويتكەنى ادامداردىڭ تاعدىرى ولار قابىلداعان شەشىمدەرگە بايلانىستى بولادى. سوندىقتان ولار بەلگىلى ءبىر دارەجەدە قوعام مۇددەسىن بىلدىرەدى.

قىزمەت نىسانى، مەملەكەتتىك قۇرىلىمدارعا دەگەن قاتىناس پوليتسەيلەرگە جوعارى تالاپ قويادى، ازاماتتار سىن كوزبەن قارايدى.

بۇگىندە پوليتسيا قىزمەتكەرلەرىنىڭ قاتارىندا وزدەرىنىڭ قىزمەتتىك بورىشىن ادال اتقارىپ جۇرگەندەر از ەمەس. تاۋەلسىزدىك العاننان بەرى 1500 گە جۋىق قىزمەتكەر مەملەكەتتىك ناگرادالارعا يە بولدى، ونىڭ ىشىندە 131 پوليتسەي ءوز ءومىرىن قىزمەت جولىندا قۇربان ەتتى.

الايدا، كەيبىر قىزمەتكەرلەر ءتارتىپ ساقشىسى بولا تۇرا، زاڭداردى بۇزادى. قاراپايىم سىپايىلىقتىڭ بولماۋى، ءتارتىپ پەن ازاماتتاردىڭ قۇقىقتارىن بۇزۋ، سىبايلاس جەمقورلىق جانە باسقا دا تەرىس قىلىقتار جاساۋ ىشكى ىستەر ورگاندارىندا قىزمەت ەتەتىن بارلىق ادامداردىڭ اتىنا كىر كەلتىرەدى.

سوندىقتان پوليتسيا قىزمەتكەرلەرى ءتارتىپ پەن زاڭدىلىقتىڭ بۇزىلۋىنا جول بەرسە، ىشكى ىستەر مينيسترلىگىندە بۇل توتەنشە وقيعا رەتىندە قابىلدانادى.

ولاردىڭ ىشىندە - ورال قالاسىندا ۋچاسكەلىك پوليتسيا ينسپەكتورى كومەكشىسىنىڭ قاتىسۋىمەن بولعان ج ك و سالدارىنان ايەل ادامنىڭ قازا بولۋى، قىزىلوردا قالاسىندا پاترۋلدىك پوليتسيا ينسپەكتورىنىڭ ماس كۇيىندە قىزمەت اتقارىپ، قىزمەتتىك اۆتوكولىكتى باسقارۋى، نۇر-سۇلتان قالاسىندا ەكى پاترۋلدىك پوليتسيا قىزمەتكەرىنە قاتىستى سوت ۇكىمىنىڭ شىعۋى سياقتى جاعدايلار بار.

ىشكى ىستەر مينيسترلىگى ءتارتىپ بۇزۋشىلارعا عانا ەمەس، سونداي-اق ولاردىڭ باسشىلارىنا دا قاتاڭ شارالار قابىلداپ كەلدى جانە الداعى ۋاقىتتا دا سولاي بولادى.

ولىممەن اياقتالعان جول - كولىك وقيعاسى ءۇشىن جەرگىلىكتى پوليتسيا قىزمەتى مەن ورال قالاسى پوليتسيا باسقارماسىنىڭ باسشىلىعى تارتىپتىك جازاعا تارتىلدى، ال قىزمەتكەردىڭ تىكەلەي باسشىسى قىزمەتىنەن بوساتىلدى.

قاراماعىنداعى قىزمەتكەردىڭ قىزمەتىنە ءتيىستى باقىلاۋ جاساماعانى ءۇشىن قىزىلوردا قالالىق ءى ءى ب پاترۋلدىك پوليتسيا باتالونى كومانديرىنىڭ ورىنباسارى لاۋازىمىنان بوساتىلدى جانە تاعى 3 باسشىعا، ونىڭ ىشىندە قىزىلوردا قالالىق پوليتسيا باسقارماسى باستىعىنىڭ ءبىرىنشى ورىنباسارىنا «قاتاڭ سوگىس» جاريالاندى.

ءتارتىپ بۇزۋشىلاردىڭ وزدەرى قىزمەتكە قايتا الۋ قۇقىعىنسىز ىشكى ىستەر ورگاندارىنان بىردەن بوساتىلدى.

«ءى ءى م-نىڭ وزىندىك قاۋىپسىزدىك دەپارتامەنتىنە كىنالى قىزمەتكەرلەردى قاتاڭ تارتىپتىك جاۋاپقا تارتۋ جونىندە ناقتى تاپسىرما بەرەمىن. بولىمشەلەردەگى زاڭدىلىق پەن ءتارتىپ ولاردىڭ باسشىلىعىنىڭ مىندەتى. ءبىز كىنالىلەردىڭ ەشبىرىنە كوز جۇما قارامايمىز جانە ايامايمىز!» - دەپ مالىمدەدى ىشكى ىستەر ءمينيسترى ەرلان تۇرعىمبايەۆ ءى ءى م قىزمەتتەرى مەن بولىمشەلەرىنىڭ باسشىلارىمەن وتكەن كەڭەستە.

بۇعان دەيىن حابارلانعانداي، ءى ءى م-دە سىبايلاس جەمقورلىققا جول بەرگەن قىزمەتكەرلەردىڭ باسشىلارىن جەكە جاۋاپقا تارتۋ پرينسيپى ەنگىزىلگەن.

سونىمەن قاتار، كادرلىق وزگەرىستەر مەن اتتەستاتتاۋ كوميسسياسىنىڭ قورىتىندىسى بويىنشا اعىمداعى جىلى ورتالىق اپپارات جانە وڭىرلىك دەپارتامەنت قىزمەتتەرىنىڭ باسشىلىق قۇرامى %60  عا جاڭارتىلدى.

اۆتور: مارلان جيەمباي