ەلىمىزدە ينتەرنەت- ەكسپورتەرلەر مەكتەبىن قولداۋ باعدارلاماسى قالاي ىسكە اسىپ جاتىر

None
None
نۇر- سۇلتان. قازاقپارات - ساۋدا جانە ينتەگراتسيا ۆيتسە- ءمينيسترى ازامات اسقار ۇلىنىڭ ايتۋىنشا، جەڭىل ونەركاسىپ سالاسىنداعى 50 كاسىپورىنعا Alibaba سايتىنىڭ اياسىندا پاۆيلون اشۋعا كومەك كورسەتىلەدى،

  دەپ حابارلايدى قازاقپارات ءتىلشىسى.

«بۇگىنگى تاڭدا مينيسترلىك ەكسپورتتىق اكسەلەراتسيانىڭ جاڭا باعدارلاماسىن ەنگىزگەلى جاتىر. ياعني، ەل ىشىندەگى بەلگىلى ءبىر برەندتى الىپ، ونى ءىرى ويىنشىعا اينالدىرامىز. اتالعان باعدارلاما كەلەسى جىلدىڭ سوڭىنا دەيىن كۇشىندە بولادى. ەكسپورتتىق اكسەلەراتسيا اياسىندا ءبىزدىڭ ەنشىلەس Kaztrade كومپانيامىز كاسىپورىنداردى ىرىكتەيدى»، - دەدى ۆيتسە- مينيستر ەلوردادا ءوتىپ جاتقان قازاقستانداعى جەڭىل ونەركاسىپ سالاسى وندىرۋشىلەرىنىڭ وتاندىق جيىنىندا.

ۆيتسە- ءمينيستردىڭ ايتۋىنا قاراعاندا، ەلدەگى جەڭىل ونەركاسىپ سالاسىنداعى ساۋدانىڭ 17 پايىزى ونلاين- ساتىلىمعا تيەسىلى.

«بيىل ساۋدا جانە ينتەگراتسيا مينيسترلىگى «اتامەكەن» ۇلتتىق كاسىپكەرلەر پالاتاسىمەن بىرىگىپ، ينتەرنەت- ەكسپورتەرلەر مەكتەبىن قولداۋ باعدارلاماسىن ىسكە قوستى. بيىل جەڭىل ونەركاسىپ سالاسىنداعى 50 كومپانياعا Alibaba سايتىنىڭ اياسىندا پاۆيلون قۇرۋعا كومەك كورسەتەمىز. كەلەسى جىلى تاعى 50 كومپانياعا وسىنداي باعىتتا قولداۋ بولادى. قازىرگى تاڭدا ەاەو ەلدەرىندە 12 ميلليارد دوللارلىق كونترافاكتىلى ءونىم جەڭىل ونەركاسىپتىڭ دامۋىنا كەدەرگى كەلتىرىپ تۇر. بارىنشا كۇرەسىپ جاتىرمىز. وزدەرىڭىز بىلەتىندەي، جەڭىل ونەركاسىپتىڭ 300 ۇلتتىق ستاندارتى بار. ولاردى جاقسارتۋ ءىسى دە ۇمىت قالعان جوق»، - دەدى ول.

اۆتور ايان بەكەن ۇلى

سوڭعى جاڭالىقتار