ەرمەك تۇرسىنوۆ قازاقتىڭ نە سەبەپتى جىلقىنى ايەلدەن ارتىق كورەتىنىن ءتۇسىندىردى

None
None
نۇر-سۇلتان.قازاقپارات - رەجيسسەر ەرمەك تۇرسىنوۆ قازاق جىلقىنىڭ ايەلىنەن دە ارتىق جاقسى كورەدى دەگەن ەدى. رەجيسسەر بۇل ءسوزىنىڭ ءمانىن اشىپ ءتۇسىندىردى.

بۇل تۋرالى «ۆ لوب ۆوپروس» ارناسى حابارلايدى.

 جاقىندا رەجيسسەر جەلىدەگى پاراقشاسىندا قازاق پەن جىلقىنىڭ بايلانىسى جايلى جازبا قالدىرعان ەدى. ونىڭ مازمۇنىنا ۇڭىلسەك، قازاق جىلقىنى جارىنان دا ارتىق جاقسى كورەدى.

 «قازاق - ەجەلدەن كوشپەلى جۇرت. كوشپەندىلەر ءۇشىن جىلقى مالى وتە قاسيەتتى سانالعان. سەبەبى جىلقى مىنسە - كولىگى، جەسە - تاماعى، ىشسە - سۋسىنى، كيسە - كيىمى. ودان باسقا قاجەتتىلىكتەرگە جارايدى. جىلقى كوشپەندىلەر ءۇشىن بارىنە قاجەتتى مال. جىلقى عانا ەمەس، ءتورت تۇلىك مال قازاق ءۇشىن قاسيەتتى سانالادى. قويدى دا جىلقىمەن تەڭەستىرۋگە بولادى. مەنىڭ مۇنداعى ايتپاعىم جىلقىنىڭ قانشالىقتى قازاق ءۇشىن قاجەت ەكەنىن جەتكىزۋ ەدى. ءبىر جاعىنان ازىلگە سۇيەنىپ، قازاق جىلقىدان سوڭ ايەلىن جاقسى كورەدى دەپ جازدىم»، - دەيدى رەجيسسەر.

جەلى قولدانۋشىلارىنىڭ ءبىرى رەجيسسەردىڭ ءسوزىن قولداسا، ءبىرى تۇسىنبەستىك تانىتتى. ايەلدىڭ دە، جىلقىنىڭ قازاق ءۇشىن ماڭىزى زور ەكەنىن جازدى.

سوڭعى جاڭالىقتار