ديماش قۇدايبەرگەن «اقتوبە وبلىسىنىڭ قۇرمەتتى ازاماتى» اتاندى
«اقتوبە وبلىسىنىڭ قۇرمەتتى ازاماتى» اتاعى قوعامدىق بىرلەستىكتەر مەن دەپۋتاتتاردىڭ ۇسىنىسىمەن قارالىپ، تالقىلاندى. بارلىعى 10 ادامنىڭ اتى- ءجونى اتالعانىمەن، تورتەۋى لايىقتى دەپ تانىلدى. ولار - فيلوسوفيا عىلىمدارىنىڭ دوكتورى، پروفەسسور امانگەلدى ايتالى، فيلولوگيا عىلىمدارىنىڭ دوكتورى، پروفەسسور ءرابيعا سىزدىق، «اتامەكەن» كاسىپكەرلەر مەن جۇمىس بەرۋشىلەر قاۋىمداستىعى» قوعامدىق بىرلەستىگىنىڭ باسقارما ءتوراعاسى ەسىمحان قۇرمانعازين. قۇرمەتتى ازاماتتار قاتارىندا بۇگىن نيۋ- يوركتەگى كونسەرتىن انشلاگپەن وتكىزگەن ديماش قۇدايبەرگەن دە بار.
«ديماش قانات ۇلى - ءانشى، سازگەر. 2004 -جىلى ا. جۇبانوۆ اتىنداعى اقتوبە مۋزىكالىق كوللەدجىن ءتامامدادى. قازاق ۇلتتىق ونەر ۋنيۆەرسيتەتىنىڭ ەسترادا- ونەر كافەدراسىندا وقىپ جاتىر. 2010-2013 -جىلدارى بىرنەشە ۆوكالدىق كونكۋرستاردىڭ جەڭىمپازى اتاندى. قازاقستاندا «بايقوڭىر داۋىستارى» ، «جاس قانات» ، ۋكرايناداعى «ۆوستوچنىي بازار» ، «سلاۆيانسكي بازار» بايقاۋىنىڭ جەڭىمپازى. 2014 -جىلى «دارىن» مەملەكەتتىك سىيلىعىنىڭ لاۋرەاتى اتاندى. 2015 -جىلى «جىل ءانشىسى» بولىپ، 2016 -جىلى «ەسترادا ءارتىسى» سىيلىعىن يەلەندى. 2017 -جىلى قىتايدا وتكەن بايقاۋدا جۇلدەگى ورىن الدى» ، - دەدى اقتوبە وبلىسى اكىمىنىڭ اپپارات جەتەكشىسى نۇرجاۋعان قالاۋوۆ.