قازاقستان پرەزيدەنتى «اۋىل» پارتياسىنىڭ ءتوراعاسى ءالي بەكتايەۆتى قابىلدادى
كەزدەسۋ بارىسىندا ءالي بەكتايەۆ قاسىم- جومارت توقايەۆقا پارتيا مۇشەلەرىنىڭ ۇلتتىق قوعامدىق سەنىم كەڭەسى مەن پرەزيدەنتتىك كادر رەزەرۆىن قۇرۋ، اۋىل شارۋاشىلىعىن دامىتۋ ماسەلەلەرى جونىندەگى باستامالاردى تولىق قولدايتىنى ايتتى. سونداي- اق، ەلىمىزدىڭ اۋىل شارۋاشىلىعى سالاسىنا قارجىلىق قولداۋ كورسەتۋ ماسەلەسى كوتەرىلدى.
اتاپ ايتقاندا، ءالي بەكتايەۆ بۇل سالاداعى جۇيەلى قارجىلاندىرۋ ۇدەرىسىن رەفورمالاۋعا قاتىستى ۇسىنىستارىن ورتاعا سالدى. پارتيا باسشىسى پرەزيدەنتتىڭ اۋىل شارۋاشىلىعى جەرلەرىن ءتيىمدى پايدالانۋ، ەگىستىك القاپتارىن ناقتى ىسپەن اينالىساتىن شارۋالارعا بەرۋ تۋرالى تاپسىرمالارىنىڭ وتە وزەكتى ەكەنىنە توقتالدى. مەملەكەت باسشىسىنا «اۋىل» پارتياسىنىڭ اۋىل شارۋاشىلىعى سالاسىن ودان ءارى دامىتۋ، شالعاي ەلدى مەكەندەردى وركەندەتۋ ماسەلەلەرىنە قاتىستى ءبىرقاتار ۇسىنىستار ايتىلدى.