جانسەيىت تۇيمەبايەۆ: بارلىق ۇلتتىڭ قازاق ءتىلىن ۇلتارالىق ءتىل ەسەبىندە قولداناتىن كەزى جەتتى

None
None
نۇر- سۇلتان. قازاقپارات - ەلوردادا «ۇلى دالانىڭ ۇلتارالىق ءتىلى» رەسپۋبليكالىق فورۋمى ءوتىپ جاتىر، دەپ حابارلايدى قازاقپارات ءتىلشىسى.

«قازاقستان حالقى اسسامبلەياسى تاۋەلسىزدىك كۇنى قارساڭىندا «ۇلى دالانىڭ ۇلتارالىق ءتىلى» اتتى رەسپۋبليكالىق فورۋم وتكىزىپ وتىر. فورۋمنىڭ ماقساتى - قازاقستان حالقىنىڭ 30 پايىزىن قۇرايتىن باسقا ۇلتتاردىڭ قازاق ءتىلىن - مەملەكەتتىك ءتىلدى ۇلتارالىق ءتىل رەتىندە قولدانىپ جاتقانىن كورسەتۋ. وسىعان وراي قازاق ءتىلىن جەتىك مەڭگەرگەن ورىس، ۋكراين، پولياك، ەستون، كۇرد، كارىستەر 14 وبلىستان جانە نۇر- سۇلتان، الماتى، شىمكەنت قالالارىنان كەلىپ وتىر»، - دەدى قازاقستان حالقى اسسامبلەياسى ءتوراعاسىنىڭ ورىنباسارى - حاتشىلىق مەڭگەرۋشىسى جانسەيىت تۇيمەبايەۆ فورۋم الدىندا تىلشىلەرگە بەرگەن سۇحباتىندا.

جانسەيىت تۇيمەبايەۆتىڭ ايتۋىنا قاراعاندا، قازاقستان حالقى اسسامبلەياسىنىڭ بۇگىنگى فورۋمى تەك قازاق تىلىندە وتەدى.

 «وسى ورايدا ايتپاعىم: ەلباسىمىزدىڭ «ەلگە دەگەن كوزقاراس - تىلگە دەگەن كوزقاراس» دەگەن ءسوزىن اتاپ وتكىم كەلەدى. سوندىقتان، مەملەكەتىمىزدە ءومىر ءسۇرىپ جاتقان بارلىق ۇلتتىڭ قازاق ءتىلىن - مەملەكەتتىك ءتىل ەسەبىندە، ۇلتارالىق ءتىل ەسەبىندە قولداناتىن كەزى جەتتى. پرەزيدەنتىمىز قاسىم- جومارت كەمەل ۇلى توقايەۆ قازاقستان حالقىنا جولداۋىندا «قازاق ءتىلى تاياۋ كەلەشەكتە ۇلتارالىق ءتىل رەتىندە قىزمەت اتقارۋى قاجەت» دەگەن ءسوزىن ەسكە سالسام دەيمىن. مىنە، وسى جۇمىستاردىڭ جۇزەگە اسا باستاعانىن كورسەتۋ ماقساتىندا وسىنداي فورۋمدى ءبىرىنشى رەت ۇيىمداستىرىپ وتىرمىز»، - دەدى ول.

سوڭعى جاڭالىقتار