تالاپقا ساي ەمەس جوعارى وقۋ ورىندارىنىڭ باسشىلارى ۇكىمەت ۇيىندە ەسەپ بەردى

قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.

«مەملەكەت باسشىسى قاسىم- جومارت توقايەۆ ۇكىمەتكە » ديپلومداردى باسىپ شىعارىپ بەرەتىن كەڭسەلەرگە « اينالعان جوعارى وقۋ ورىندارىنا قاتىستى قاتاڭ شارالار قابىلداۋدى تاپسىردى. بۇگىندە ەلىمىزدە 132 ج و و جۇمىس ىستەيدى، ونىڭ % 43 - جەكەمەنشىك. ولاردا 600 مىڭنان اسا ستۋدەنت وقيدى، ونىڭ ىشىندە 191 مىڭى - مەملەكەتتىك تاپسىرىس اياسىندا ءبىلىم الادى. وكىنىشكە وراي، ءبىلىم بەرۋ ساپاسى تۋرالى ءبىز ەڭبەككە ورنالاسۋ دەڭگەيى بويىنشا عانا تۇجىرىم جاساي الامىز، ءاربىر ءتورتىنشى تۇلەك - جۇمىسسىز»، - دەدى ب. ساپاربايەۆ ۇكىمەت ۇيىندە وتكەن وتىرىستا.

ءبىلىم جانە عىلىم ءمينيسترى اسحات ايماعامبەتوۆتىڭ ايتۋىنشا، بيىل 34 ج و و- دا تەكسەرۋ جۇرگىزىلدى، ونىڭ ىشىندە 22- ءسى جوسپاردان تىس تەكسەرۋ بولدى.

«تالداۋ كورسەتكەندەي، كوپتەگەن ج و و- دا زاڭناما تالاپتارىن بۇزۋعا جول بەرىلەدى. كەڭ تاراعان پروبلەمالار - شتاتتىق بىرلىك پەن وقىتۋشىلىق- پروفەسسورلىق قۇرامنىڭ دارەجەسىنىڭ جەتكىلىكسىزدىگى، تۇلەكتەردىڭ ەڭبەككە ورنالاسۋىنىڭ تومەن دەڭگەيى، ءبىلىم الۋشىلاردىڭ مينيمالدى كونتينگەنتىنە تالاپتاردىڭ ساقتالماۋى، وقۋ الاڭدارى مەن جاتاقحانالاردىڭ جەتكىلىكسىزدىگى. بۇل پروبلەمالار ج و و- لاردىڭ تومەن الەۋەتىمەن تىكەلەي بايلانىستى. ياعني، ولارعا جوعارى ءبىلىم بەرۋدىڭ بەلگىلەنگەن ستاندارتتارىن قامتاماسىز ەتۋگە مۇمكىندىك بەرمەيدى»، - دەدى مينيستر.

سونىمەن قاتار شەكتى بالل الماعان ابيتۋريەنتتەردى، بەيىندى پاندەردى ەسكەرمەي قابىلداۋ، ءبىلىم تۋرالى قۇجاتتارى، ۇ ب ت تاپسىرۋ سەرتيفيكاتتارى بولماعانداردى قابىلداۋ جانە باسقا دا ورەسكەل زاڭ بۇزۋشىلىقتار ورىن العان.

تەكسەرۋلەر ناتيجەسىندە 5 جوعارى وقۋ ورنىنىڭ ليسەنزياسى توقتاتىلىپ، اكىمشىلىك ايىپپۇلدار سالىندى. تاعى بەس ج و و بويىنشا شەشىمدەر قابىلدانۋدا.

سونىمەن قاتار، ءبىلىم جانە عىلىم مينيسترلىگىنە ج و و- لاردىڭ ليتسەنزيالارىن قايتارىپ الۋ جانە الىپ قويۋ قۇزىرەتىن بەرۋ ماسەلەسى پىسىقتالۋدا. ەلىمىزدىڭ جەتەكشى جوعارى وقۋ ورىندارىمەن جوعارى ءبىلىم بەرۋ ساپاسىن جاقسارتۋ بويىنشا نورماتيۆتىك- قۇقىقتىق بازا جەتىلدىرىلۋدە.

«الايدا، مۇنداي پراكتيكا بارلىق جوعارى وقۋ ورىندارىندا بايقالىپ وتىرعان جوق. ءبىزدىڭ ەلىمىزدە شەتەلدىك وقۋ ورىندارىنان كەم تۇسپەيتىن مىقتى ج و و- لار جەتكىلىكتى»، - دەدى ا. ايماعامبەتوۆ.

وتىرىستا «قاينار» اكادەمياسىنىڭ، قازاق ەڭبەك جانە الەۋمەتتىك قاتىناستار اكادەمياسىنىڭ، كاسپي قوعامدىق ۋنيۆەرسيتەتىنىڭ، «الماتى» ۋنيۆەرسيتەتىنىڭ، ورتالىق ازيا ۋنيۆەرسيتەتىنىڭ، الماتى ەكونوميكا جانە ستاتيستيكا اكادەمياسىنىڭ، قازاق جول قاتىناستارى ۋنيۆەرسيتەتىنىڭ رەكتورلارىنىڭ باياندامالارى تىڭدالدى. ولاردى تەكسەرۋ كەزىندە زاڭ بۇزۋشىلىقتار انىقتالعان بولاتىن.

وسىعان بايلانىستى مينيسترلىك ج و و- لاردىڭ باسشىلىعىمەن بىرلەسىپ وقۋ ورىندارىن بىرىكتىرۋ نەمەسە ولاردى كوللەدج رەتىندە قايتا قۇرۋ ماسەلەلەرىن پىسىقتاۋدا. ەگەر ج و و- لار كەمشىلىكتەرىن جويماسا، وندا ليتسەنزيالارىن قايتارىپ الۋ جانە جابۋ ءۇشىن ماسەلە ولارمەن سوت تارتىبىندە شەشىلەتىن بولادى.

كەڭەستى قورىتىندىلاعان ۆيتسە- پرەمەر جوعارى ءبىلىم بەرۋ سالاسىنداعى ءبىرقاتار پروبلەمالىق ماسەلەلەردى اتاپ ايتتى. ولاردىڭ قاتارىندا وقىتۋدىڭ تومەن ساپاسى، سىبايلاس جەمقورلىقتىڭ جوعارى دەڭگەيى، عىلىمي- زەرتتەۋ جۇمىستارىنىڭ ناشار دامۋى، كاسىپورىندارمەن بايلانىستىڭ ناشارلىعى، وقىتۋشىلاردىڭ جالاقى دەڭگەيىنىڭ تومەن بولۋى، مەملەكەتتىك ءبىلىم بەرۋ تاپسىرىسىنىڭ جاسالۋ جانە ورنالاستىرىلۋىنىڭ اشىق ەمەستىگى جانە تاعى باسقاسى بار.

«جوعارى ءبىلىم بەرۋ ساپاسىن ارتتىرۋ - بۇل ءبىزدىڭ ەلىمىزدىڭ باسەكەگە قابىلەتتىلىگىن قامتاماسىز ەتۋدەگى نەگىزگى ماسەلە. سوندىقتان وعان بارىنشا بايىپپەن قاراۋىمىز كەرەك. بىزگە قۇزىرەتى تومەن، سۇرانىسقا يە ەمەس مامانداردى دايارلايتىن ۋنيۆەرسيتەتتەر نە ءۇشىن قاجەت، جۇمىسسىزدار قاتارىن كەزەكتى رەت كوبەيتۋ ءۇشىن بە؟ ولارعا قاتىستى ليتسەنزيالارىن قايتارىپ الۋعا دەيىن وتە قاتاڭ شارالار قولدانىلاتىن بولادى!»، - دەپ تۇيىندەدى بەردىبەك ساپاربايەۆ.