مەملەكەت باسشىسى «لۋكويل» مۇناي كومپانياسىنىڭ پرەزيدەنتىن قابىلدادى

None
None
نۇر- سۇلتان. قازاقپارات - مەملەكەت باسشىسى «لۋكويل» مۇناي كومپانياسىنىڭ پرەزيدەنتى ۆاگيت الەكپەروۆتى قابىلدادى، دەپ حابارلايدى اقوردا.

قاسىم- جومارت توقايەۆقا مۇناي كومپانياسىنىڭ 2019 -جىلى قازاقستاندا اتقارعان جۇمىستارىنىڭ   ەسەبى بەرىلدى. سونداي- اق ۆاگيت الەكپەروۆ «جەڭىس» جانە «I-P-2» تەڭىز جوبالارىن جۇزەگە اسىرۋدىڭ قازىرگى احۋالى مەن پەرسپەكتيۆالارى تۋرالى باياندادى.

رەسەي بيزنەسمەنى قازاقستان پرەزيدەنتىنە الماتى وبلىسىندا بيىل قىركۇيەك ايىندا اشىلعان «لۋكويل» جاعارماي ونىمدەرىن شىعاراتىن زاۋىت جۇمىسىنىڭ العاشقى ناتيجەلەرى جايىندا مالىمەت بەردى. مەملەكەت باسشىسى وسىنداي زاۋىت سالعانى ءۇشىن ۆاگيت الەكپەروۆكە ريزاشىلىعىن ءبىلدىردى.

- بۇل - ءسىزدىڭ كومپانيانىڭ قازاقستان ەكونوميكاسىنا قوسقان ەلەۋلى ۇلەسى. مۇنداي باعىتتاعى ينۆەستيتسيالارعا جان- جاقتى قولداۋ كورسەتەمىز، - دەدى قاسىم- جومارت توقايەۆ. ۆاگيت الەكپەروۆ اتالعان ءوندىرىس نىسانى كومپانيانىڭ ماقتانىشىنا اينالعانىن اتاپ ءوتتى. ونىڭ ايتۋىنشا، كاسىپورىن 700-گە جۋىق ءونىم ءتۇرىن شىعارادى جانە ءبىر جارىم ايدىڭ ىشىندە ءوزىنىڭ جوبالىق قۋاتىنا تولىق جەتەدى.

سوڭعى جاڭالىقتار