كەلەر جىلدان باستاپ جەكە تۇلعانىڭ اتىنا تاۋار اكەلۋدەگى شەكتەۋ وزگەرتىلەدى

«2020 -جىلعى 1- قاڭتاردان باستاپ حالىقارالىق پوشتا جونەلتىلىمدەرىمەن جىبەرىلەتىن، سونداي- اق تاسىمالداۋشى جەتكىزەتىن جەكە پايدالانۋعا ارنالعان تاۋارلاردى باجسىز اكەلۋدىڭ نورماسى 200 ەۋرونى جانە 31 كيلوگرامدى قۇرايتىن بولاتىندىعىن ەسكە سالامىز»، دەلىنگەن حابارلامادا.

 ەسكە سالا كەتەيىك، قازىرگى ۋاقىتتا (2019 -جىلدىڭ 31- جەلتوقسانعا دەيىن) ەۋرازيالىق ەكونوميكالىق وداقتىڭ كەدەندىك اۋماعىنا كەدەن باجى، سالىقتى تولەمەي اكەلىنەتىن جەكە پايدالانۋعا ارنالعان تاۋارلاردىڭ نورمالارى ءبىر جەكە تۇلعانىڭ اتىنا كۇنتىزبەلىك 1 اي ىشىندە 500 ەۋرو جانە سالماعى 31 ك گ قۇرايدى. بەلگىلەنگەن نورمالار اسقان جاعدايدا، قۇندىق جانە/نەمەسە سالماق نورمالارىنان اسقان بولىگىندە قۇنىنان 15 پايىزدىق، سالماقتىڭ 1 كيلوگرامى ءۇشىن كەمىندە 2 ەۋرو ستاۆكاسى بويىنشا كەدەندىك تولەم تولەنۋى كەرەك.

 ايتا كەتەرلىگى، قازىرگى ۋاقىتتا (2019 -جىلدىڭ 31 - جەلتوقسانعا دەيىن) كەدەندىك باجداردىڭ، سالىقتاردىڭ ءبىرىڭعاي مولشەرلەمەلەرى قۇن جانە (نەمەسە) سالماقتىق نورمادان اسىپ ءتۇسۋ بولىگىندە قۇنىنىڭ 30 پايىزى، ءبىراق 1 ك گ سالماق ءۇشىن 4 ەۋرودان كەم ەمەستى قۇرايدى.

«مىسالى، باعاسى 300 ەۋرو بولاتىن ينتەرنەت- دۇكەندەردەن تاپسىرىس بەرىلگەن سالەمدەمە، جولاۋشىلارعا ارنالعان كەدەندىك دەكلاراتسياسىن تاپسىرۋ جولىمەن، سونداي- اق قۇندىق نورماسىنان اساتىن بولىگىندە كەدەندىك تولەمدەر قۇنىنىڭ % 15- دىق مولشەرى بويىنشا كەدەندىك دەكلاراتسيالاۋعا جاتقىزىلادى (ياعني 100 ەۋرودان % 15- دىق) نەمەسە جىبەرىلىمىنىڭ قۇنى 200 ەۋرودان اسپاسا، ءبىراق ونىڭ سالماعى 35 ك گ بولسا (ياعني سالماق نورماسىنان 4 ك گ اسىپ تۇرسا)، وندا 4 ك گ كەدەندىك باج سالىعى سالىنادى»، دەلىنگەن حابارلامادا.