ەلوردادا مۇز سىرعاناقتار قايدا سالىنادى

بايقوڭىر اۋدانىندا مۇز قالاشىعى مەن بالاقايلارعا ارنالعان سىرعاناق «جاستار سارايى» ماڭىندا، «اتاتۇرىك» ساياباعىندا، ءوندىرىس تۇرعىن الابىنا، سونداي-اق جولىمبەت پەن ا. چەحويەۆ كوشەلەرىنىڭ قيىلىسىنا ورنالاسادى. ەسىل اۋدانىنىڭ تۇرعىندارىنا EXPO، بوتانيكالىق ساياباق، «حان شاتىر»، «كەرۋەن» ساۋدا ويىن ساۋىق ورتالىقتارى اۋماعىنا، «جەتىسۋ» ساياباعىندا، «جاعالاۋ» شاعىن اۋدانىندا، جاسىل ورامدا، سونداي-اق، ۇركەر مەن پريگورودنىي تۇرعىن الابىندا سالىنباق.

ال سىرعاناق سارىارقا اۋدانى ءۇشىن ەسىل وزەنى اۋماعىندا، «استانا» سپورت كەشەنىنىڭ جانىنا، قوسشىعۇل ۇلى 17 ءۇيدىڭ جانىندا، «تامىز» تۇرعىن ءۇي كەشەنىنىڭ جانىنا، «ناز» تەاترىنىڭ ماڭايىنا، وقجەتپەس پەن گەرتسەن كوشەلەرىنىڭ قيىلىسىنا، گەتە 10-ءۇي جانە 187-كوشەگە سالىنادى.

الماتى اۋدانىندا جۇرتشىلىققا ارنالعان سىرعاناق پەن مۇز ايدىنى «قازاق ەلى» مونۋمەنتىنىڭ الاڭىنا، «جەرۇيىق» ساياباعىنا، اقبۇلاق وزەنىنىڭ اينالاسىنا، «جاستار» ساياباعىنا، وقۋشىلار سارايىنىڭ الدىنا، پرەزيدەنت ساياباعىنا، «رەنەسسانس» مەيرامحاناسىنىڭ جانىنا، ترياتلون- پاركىندە، جۇرگەنوۆ كوشەسىندەگى سارايشىق شاعىن اۋدانىندا، سونىمەن قاتار تەمىرجولشىلار، ينتەرناتسيونالنىي، ميچۋرينو تۇرعىن ءۇي الاپتارىندا ورناتىلادى.

فوتو: astana.gov.kz