ءۇي سالىنىپ، ءبىراق قۇجاتتارى ءالى راسىمدەلمەگەن بولسا

بۇل تۋرالى نۇر- سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسى جەر كوميسسياسىنىڭ جۇمىسىن ۇيىمداستىرۋ ءبولىمىنىڭ باسشىسى انزور ابايەۆ ايتتى، دەپ جازدى krisha.kz.

 مەكەمەنىڭ سايتىندا كوميسسياعا ەڭ كوپ جولدانعان ماسەلەلەردىڭ ءبىرى 90-جىلدارى بەرىلگەن جەر تەلىمدەرىنىڭ قۇجاتتارى بۇگىنگى كۇنگە دەيىن جاسالماعانى ايتىلادى.

«2007 -جىلعا دەيىن ادامدار جەر تەلىمدەرىن الىپ، ءۇي سالدى ءبىراق قۇجاتتارىن جاسامادى. ءقازىر ول ءۇشىن ەنگىزۋ اكتىسىنە قول قويىپ، ادىلەت ورگاندارىندا تىركەلىپ، جەردى راسىمدەۋ قاجەت. ادەتتە، ماسەلە كوميسسياعا جىبەرىلەدى جانە ودان سوڭ جەر ۋچاسكەسىنە قۇقىق بەرىلەدى»، - دەدى ابايەۆ.

ونىڭ ايتۋىنشا، كوميسسيا ازاماتتاردىڭ ماسەلەلەرىن جەكە- جەكە قارايدى. ەگەر زاڭ بۇزۋشىلىق انىقتالسا، مىسالى، جىلجىمايتىن مۇلىك رۇقساتسىز نەمەسە جوبالىق قۇجاتتاماعا ساي سالىنباعان بولسا، قيىندىقتار تۋىنداۋى مۇمكىن.

www.24.kz