تۇركىستاندا اۋادا قالقىپ تۇراتىن شاينەك سۋبۇرقاعى ورناتىلدى

سونىڭ ىشىندەگى ەڭ قازاقى ناقىشتا بەينەلەنگەنى - شاينەك فورماسىنداعى سۋبۇرقاق. وندا اۋادا قالقىپ تۇرعان شاينەكتەن كەسەگە ءشاي قۇيىپ جاتقانى كورىنىس بەرگەن.

 ۇلتتىق ويۋمەن ورنەكتەلگەن شاينەك تۇركىستان قالاسى تۇرعىندارىنىڭ دا كوڭىلىنەن شىقتى. كەشەلى بەرى سۋبۇرقاقتىڭ ماڭايىندا حالىقتىڭ قاراسى قالىڭ. كوبى سۋرەتكە ءتۇسىپ، الەۋمەتتىك جەلىلەر ارقىلى ءوز پىكىرلەرىن ءبىلدىرىپ جاتىر.

 زاماناۋي ەرەكشە سۋبۇرقاق ەلىمىزدە العاش رەت بوي كوتەردى. مىستان جاسالعان جاڭا فونتاننىڭ بيىكتىگى – 6، ال ەنى - 7 مەتر. قاعاز بەتىنە تۇسىرىلگەن تىڭ دۇنيەنى شىنايى ۇيلەستىرۋگە 15 جۇمىسشى اتسالىستى. ءالى دە تولىقتىرۋدى قاجەت ەتەتىن سۋبۇرقاق بۇگىندە سىناق رەتىندە ىسكە قوسىلدى. جاقىن ارادا تولىقتاي اياقتالىپ، تۇنگى ۋاقىتتا ءتۇرلى تۇسكە ەنىپ، كەشكى قالانىڭ اجارىن ايشىقتاي تۇسەتىن بولادى.

www.24.kz