قازاقستاندىق اۋە كومپانيالارى جاڭا حالىقارالىق رەيستەر اشپاق

بۇل تۋرالى «قازاقپارات» اگەنتتىگىنە قر ييدم ازاماتتىق اۆياتسيا كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.

«بۇگىندە قازاقستان شەت مەملەكەتتەرمەن 99 حالىقارالىق باعداردى قامتىپ وتىر. نۇر- سۇلتان قالاسىنان 34 حالىقارالىق باعدار بويىنشا تۇراقتى رەيستەر ورىندالىپ كەلەدى» ، - دەلىنگەن ۆەدومستۆو مالىمەتىندە.

بەلگىلى بولعانداي، بۇگىندە 14 ىشكى اۋە باعدارى، سونداي- اق «نۇر- سۇلتان - توكيو» باعىتىنداعى حالىقارالىق باعدارى سۋبسيديالانۋدا.

«ورتا مەرزىمدى پەرسپەكتيۆادا قازاقستاندىق اۋە كومپانيالارى شانحاي (2020 -جىلى) ، سينگاپۋر (2020 -جىلى) ، نيۋ- يورك (2023 -جىلى) باعىتتارىندا رەيس اشۋدى جوسپارلاپ وتىر» ، - دەپ اتالىپ وتكەن كوميتەت اقپاراتىندا.

بۇدان بۇرىن حابارلانعانداي، ءبىرقاتار شەتەلدىك اۋە كومپانيالارى قازاقستانعا جاڭا رەيستەردى اشۋعا قىزىعۋشىلىق تانىتىپ وتىر.