اۋىر سومكە وقۋشىنىڭ دەنساۋلىعىنا قانشالىقتى زيان؟
ۆەدومستۆونىڭ ءوزى ق ر دەنساۋلىق ساقتاۋ مينيسترلىگىنە وسىنداي ۇسىنىس بىلدىرگەن، دەپ حابارلايدى قازاقپارات.
دەپارتامەنت باسشىسى ءسادۋاقاس بايعابىلوۆتىڭ سوزىنە قاراعاندا، اۋىر سومكە وقۋشىلاردىڭ بەلىن اۋىرتىپ، بۇكىر قىلۋدان بولەك، كيفوز، لوردوز سياقتى اۋرۋلارعا شالدىقتىرۋى، ءتىپتى بالالاردىڭ تىرەك- قيمىل اپپاراتىنا زاردابىن تيگىزۋى مۇمكىن.
س. بايعابىلوۆ اعزاسى، قاڭقا- بۇلشىق ەت جۇيەسى ەندى عانا قالىپتاسىپ كەلە جاتقان جەتى جاسار بالالاردىڭ دەنساۋلىعىنا الاڭداۋلى.
ونىڭ ايتۋىنشا، وقۋلىق تولى سومكەنىڭ سالماعى ءتورت، كەيدە بەس كيلوگرامعا دەيىن جەتەدى. سوندىقتان وقۋشى سومكەسىنە قويىلاتىن تالاپتاردى قايتا قاراپ، مەكتەپتەردىڭ تەكسەرۋ پاراعىنا قوسىمشا تارماق ەنگىزۋ قاجەت.
دەپارتامەنت باسشىسى قازىردىڭ وزىندە گيگيەنالىق تالاپتاردىڭ بۇزىلۋىنا ايىپپۇل سالىناتىنىن ەسكەرتتى. ايتا كەتەيىك، مۇنداي ايىپپۇلدىڭ مولشەرى 500 مىڭ تەڭگەدەن اسىپ تۇسەدى.