قازاقستاندىقتار ءوز اتىنا قانشا تەلەفون ءنومىرى تىركەلگەنىن تەكسەرە الادى
ول ءۇشىن مىنا سىلتەمەگە كىرىپ، ءوز ج س ن- ءىڭىزدى جازساڭىز جەتكىلىكتى. جۇيە تىركەلگەن نومىرلەردىڭ سانىن جانە قانداي ۇيالى وپەراتور ەكەنىن دە كورسەتىپ بەرەدى.
ەگەر ابونەنت ءوزىنىڭ جەكە سايكەستەندىرۋ نومىرىنە بەلگىسىز تەلەفون نومىرلەرىنىڭ تىركەلگەنىن انىقتاعان جاعدايدا تەلەكوممۋنيكاتسيالار كوميتەتى بەلگىسىز ءنومىردى جاپتىرۋدى ۇسىنادى.
«بىزگە ازاماتتار ءوز اتىنا بەلگىسىز تەلەفون ءنومىرىنىڭ تىركەلگەنىن ايتىپ ءجيى شاعىمدانادى. سوندىقتان ءبىز قازاقستاندىقتارعا ءوز اتىنا تىركەلگەن نومىرلەردىڭ سانىن تەكسەرۋدى ۇسىنامىز، سەبەبى ءسىز سول ءنومىردى پايدالانۋ ءۇشىن جەكە جاۋاپكەرشىلىك الاسىز» ، - دەيدى ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى تەلەكوممۋنيكاتسيالار كوميتەتىنىڭ ءتوراعاسى ۆيتالي ياروشەنكو .
ەستەرىڭىزگە سالا كەتەيىك، 2019 -جىلعى 1 - قاڭتاردا قازاقستاندا ابونەنتتىك قۇرىلعىلاردى تىركەۋ اياقتالدى. قازىرگى ۋاقىتتا بارلىق ءموبيلدى تەلەفوندار SIM- كارتا يەلەرىنىڭ ج س ن- نە بايلانعان. وتكەن جىلدىڭ ىشىندە ءوز ج س ن- ىن SMS ارقىلى تىركەمەگەن ابونەنتتەردىڭ تەلەفوندارى اۆتوماتتى تۇردە تىركەلىپ، پايدالانىلاتىن SIM- كارتالارعا بايلانعان.