ەلوردادا «بەرەكەلى باسپانا» باعدارلاماسىنا قۇجاتتار قابىلداي باستادى

None
None
نۇر-سۇلتان. قازاقپارات - «بەرەكەلى باسپانا» جەكەشەلەندىرىلمەيتىن جالدامالى تۇرعىن ءۇي جونىندەگى قالالىق باعدارلاماسى بويىنشا نۇر-سۇلتان قالاسىنىڭ «تۇرعىن ءۇي قورى» ك م م قۇجاتتار قابىلداي باستادى، دەپ حابارلايدى قازاقپارات.

قالالىق تۇرعىن ءۇي قورىنىڭ مالىمەتىنشە، بۇل باعدارلاما «الەۋمەتتىك جاعىنان وسال»، «جەتىم بالالار»، «كوپبالالى وتباسىلار» ساناتى بويىنشا كەزەكتە تۇرعان ازاماتتارعا ارنالعان.

الەۋمەتتىك جاعىنان وسال توپقا مىنالار جاتادى: ۇ و س مۇگەدەكتەرى مەن قاتىسۋشىلارىنا تەڭەستىرىلگەن ادامدار؛ مۇگەدەك بالالارى بار نەمەسە ولاردى تاربيەلەۋشى وتباسىلارى؛ كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ادامدار؛ جاسىنا قاراي زەينەت دەمالىسىنا شىققان زەينەتكەرلەر؛ جەتىم بالالار نەمەسە اتا-اناسىنىڭ قاراۋىنسىز قالعان ازاماتتار؛ تولىق ەمەس وتباسىلار؛ 1- جانە 2-توپتاعى مۇگەدەكتەر؛ ورالماندار؛ ەكولوگيالىق ءزىلزالالار، تابيعي جانە تەحنوگەندى سيپاتتاعى توتەنشە جاعدايلار سالدارىنان تۇرعىن ۇيىنەن ايىرىلعان ادامدار؛ مەملەكەتتىك نەمەسە قوعامدىق مىندەتتەرىن، اسكەري قىزمەتىن ورىنداۋ كەزىندە، عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە، ادام ءومىرىن قۇتقارۋ كەزىندە، قۇقىق ءتارتىبىن قورعاۋ كەزىندە قازا تاپقان (قايتىس بولعان) ادامداردىڭ وتباسىلارى.

جالپى 14 پاتەر بەرىلەدى. ولار ءۇش جانە ءتورت بولمەلى.

ايتا كەتەرلىگى، پاتەرلەر جەكەشەلەندىرىلمەيدى. باستاپقى جارنا تالاپ ەتىلمەيدى. قۇجاتتاردى قابىلداۋ مەرزىمى: 21 -قازان مەن 25 -قازان ارالىعىندا جۇرگىزىلەدى.

ۇمىتكەرلەر كوممۋنالدىق تۇرعىن ءۇي قورىنان باسپاناعا مۇقتاجدار ەسەبىندەگى «الەۋمەتتىك جاعىنان وسال توپتار»، «جەتىم بالالار»، «كوپبالالى وتباسىلار» ساناتى بويىنشا كەزەكتە تۇرۋى كەرەك.

3 پاتەر (ءۇش بولمەلى)؛ جەتىم بالالارعا؛ 3 پاتەر (ءتورت بولمەلى) كوپبالالى وتباسىلارعا؛ 8 پاتەر (ءۇش بولمەلى) الەۋمەتتىك جاعىنان وسال توپتارعا بەرىلەدى.

قۇجاتتاردى قابىلداۋ نۇر-سۇلتان قالاسىنىڭ اكىمدىگىنىڭ «تۇرعىن ءۇي قورى» ك م م جۇرگىزەدى. مەكەمە ر. قوشقاربايەۆ داڭعىلىنداعى 39-ۇيدە (قوشقاربايەۆ- جۇمابايەۆ كوشەلەرىنىڭ قيىلىسى، «بارىس» ت ك ايالداماسى) ورنالاسقان.

سوڭعى جاڭالىقتار