انكارا مەن ۆاشينگتون تۇركيانىڭ سيرياداعى وپەراتسياسىن توقتاتۋعا كەلىستى

None
None
انكارا. انادولى- قازاقپارات – ا ق ش جانە تۇركيا دەلەگاتسيالارى انكاراداعى كەلىسسوزدەر بارىسىندا سيرياداعى تۇركيا قارۋلى كۇشتەرى جۇرگىزگەن «بەيبىتشىلىك قاينارى» تەرروريزمگە قارسى وپەراتسياسى 120 ساعاتقا توقتاتىلاتىنىن ءمالىم ەتتى، دەپ حابارلايدى قازاقپارات «انادولى» اگەنتتىگىنە سىلتەمە جاساپ.

«ءبىز قالاعان ناتيجەگە قول جەتكىزدىك»، - دەدى تۇركيا س ءى م باسشىسى ميەۆليۋت چاۆۋشوگلۋ.

تۇركيا مەن ا ق ش دەلەگاتسيالارى YPG لاڭكەستەرىنىڭ قولىندا تۇرعان اۋىر قارۋدى جيناۋعا، سونداي-اق، توپتىڭ پوزيتسياسى مەن بەكىنىستەرىن جويۋعا كەلىستى. چاۆۋشوگلۋ «بەيبىتشىلىك قاينارى» وپەراتسياسىنىڭ توقتاتىلاتىن ءمالىم ەتتى.

ا ق ش ۆيتسە-پرەزيدەنتى مايك پەنس تۇركيا مەن ا ق ش دەلەگاتسيالارىنىڭ انكاراداعى كەلىسسوزدەرىنەن كەيىن ا ق ش YPG تەرروريستىك ۇيىمىنىڭ سيريانىڭ سولتۇستىگىندەگى قاۋىپسىزدىك اۋماعىنان 120 ساعاتتىڭ ىشىندە شىعارىلۋىن قامتاماسىز ەتەتىنىن ءمالىم ەتتى.

«ءبىزدىڭ ماقساتىمىز - الداعى 120 ساعات ىشىندە YPG-نى شىعارۋ. اتالمىش پروتسەسس باستالىپ كەتتى»، - دەدى ساياساتكەر.

ول YPG ۆاشينگتونعا ءوز كۇشتەرىن ايماقتان شىعارۋعا كەپىلدىك بەرگەنىن اتاپ كەتتى.

سونداي-اق، پەنس تۇركيا مەن ا ق ش سيريانىڭ سولتۇستىك- شىعىسىنداعى د ا ي ش-تى تۇپكىلىكتى جويۋ ماسەلەسى بويىنشا ورتاق پىكىرگە كەلگەنىن اتاپ ءوتتى.

ۆيتسە-پرەزيدەنتتىڭ ايتۋىنشا، سيريانىڭ سولتۇستىك-شىعىسىندا اتىس توقتاتىلعان جاعدايدا ا ق ش تۇركياعا قاتىستى شەكتەۋ شارالارىن جويۋ ماسەلەسىن قاراستىرادى.

سوڭعى جاڭالىقتار